ଆଜିର ସମୟରେ ହୁଏତ ଏମିତି କେହି ବ୍ୟକ୍ତି ନଥିବେ, ଯିଏ ସ୍ମାର୍ଟଫୋନ ବ୍ୟବହାର କରୁ ନଥିବେ। ସକାଳୁ ଆଖି ଖୋଲିବାଠାରୁ ଆରମ୍ଭ କରି ରାତିରେ ଶୋଇବା ପର୍ଯ୍ୟନ୍ତ, ଅଧିକାଂଶ ଲୋକଙ୍କର ବହୁତ ସମୟ ମୋବାଇଲ ସ୍କ୍ରିନ ସାମ୍ନାରେ ହିଁ ବିତିଯାଏ । ସୋସିଆଲ ମିଡିଆ, ଭିଡିଓ, ଗେମ ଏବଂ କ୍ରମାଗତ ଭାବେ ଆସୁଥିବା ନୋଟିଫିକେସନ ଲୋକଙ୍କୁ ଘଣ୍ଟା ଘଣ୍ଟା ଫୋନ ସହ ଯୋଡ଼ି ରଖିଥାଏ । କିନ୍ତୁ ଆପଣ କେବେ ଭାବିଛନ୍ତି କି, ଯଦି ଏକ ମାସ ପାଇଁ ସ୍ମାର୍ଟଫୋନଠାରୁ ଦୂରେଇ ରହିବା, ତେବେ ଶରୀର ଓ ମସ୍ତିଷ୍କ ଉପରେ ଏହାର କ’ଣ ପ୍ରଭାବ ପଡ଼ିପାରେ? ତେବେ ଆସନ୍ତୁ ଜାଣିବା…
ସ୍ମାର୍ଟଫୋନର କ୍ରମାଗତ ବ୍ୟବହାର ମସ୍ତିଷ୍କକୁ ପ୍ରତ୍ୟେକ ମୁହୂର୍ତ୍ତରେ ନୂଆ ସୂଚନା ଏବଂ ନୋଟିଫିକେସନ୍ ଦ୍ୱାରା ଘେରି ରଖିଥାଏ । ଏଭଳି ସ୍ଥିତିରେ ମନ ବିଚଳିତ ହେବା ଏବଂ କୌଣସି ଗୋଟିଏ କାମରେ ଦୀର୍ଘ ସମୟ ପର୍ଯ୍ୟନ୍ତ ମନୋନିବେଶ କରି ନ ପାରିବା ଏକ ସାଧାରଣ କଥା ହୋଇଯାଏ । ଏଭଳି ପରିସ୍ଥିତିରେ, ଏକ ମାସ ପର୍ଯ୍ୟନ୍ତ ସ୍ମାର୍ଟଫୋନ୍ଠାରୁ ଦୂରରେ ରହିଥିବା ଲୋକମାନେ କହିଛନ୍ତି ଯେ, ସେମାନଙ୍କର ଏକାଗ୍ରତା ପୂର୍ବାପେକ୍ଷା ବହୁତ ଭଲ ହୋଇଛି ଏବଂ ସେମାନେ ନିଜ କାମରେ ଅଧିକ ଧ୍ୟାନ ଦେଇ ପାରୁଛନ୍ତି ।
ନିଦ୍ରାରେ ସୁଧାର ଆସିପାରେ ଅନେକ ଲୋକ ରାତିରେ ଶୋଇବା ପୂର୍ବରୁ ବହୁ ସମୟ ଧରି ଫୋନ ବ୍ୟବହାର କରନ୍ତି । ଏହାଦ୍ୱାରା ଆଖି ଏବଂ ମସ୍ତିଷ୍କକୁ ଆରାମ ମିଳିପାରେ ନାହିଁ । ସ୍ମାର୍ଟଫୋନଠାରୁ ଦୂରେଇ ରହିବା ପରେ ଲୋକମାନେ ଅନୁଭବ କଲେ ଯେ ସେମାନଙ୍କ ନିଦ ପୂର୍ବାପେକ୍ଷା ଭଲ ହେବାକୁ ଲାଗିଲା । ସେମାନେ ଜଲଦି ଶୋଇପାରିଲେ ଏବଂ ସକାଳେ ଅଧିକ ସତେଜ ଅନୁଭବ କଲେ। ବିଶେଷଜ୍ଞମାନେ ମଧ୍ୟ ମାନନ୍ତି ଯେ ସ୍କ୍ରିନ୍ ଟାଇମ୍ କମାଇବା ଦ୍ୱାରା ନିଦର ଗୁଣବତ୍ତା ଉପରେ ଭଲ ପ୍ରଭାବ ପଡ଼ିପାରେ । ଯେତେବେଳେ ହାତରେ ଫୋନ୍ ନଥାଏ, ସେତେବେଳେ ଲୋକମାନେ ନିଜ ଆଖପାଖର ଜିନିଷ ଉପରେ ଅଧିକ ଧ୍ୟାନ ଦେବାକୁ ଲାଗନ୍ତି । ଫୋନ୍ ବଦଳରେ ବହି ପଢ଼ିବା, ବୁଲିବା କିମ୍ବା ନିଜର କୌଣସି ସଉକ ପାଇଁ ସମୟ ଦେବା ସହଜ ହୋଇଗଲା । ଏହାଦ୍ୱାରା ମାନସିକ ସନ୍ତୋଷ ମଧ୍ୟ ବୃଦ୍ଧି ପାଇଲା ।
ସ୍ମାର୍ଟଫୋନ୍ର ସବୁଠାରୁ ବଡ଼ ଅଭ୍ୟାସ ହେଉଛି, ଟିକିଏ ଫୁରସତ୍ ମିଳିବା ମାତ୍ରେ ଲୋକମାନେ ସ୍କ୍ରିନ୍ ଦେଖିବାକୁ ଲାଗନ୍ତି । ବସ୍ ଅପେକ୍ଷାରେ ଥିବା ସମୟରେ, ଲାଇନରେ ଛିଡ଼ା ହୋଇଥିବା ବେଳେ କିମ୍ବା ଖାଲି ବସିଥିବା ବେଳେ ମଧ୍ୟ ସେମାନଙ୍କର ଧ୍ୟାନ ଫୋନ ଆଡ଼କୁ ଯାଇଥାଏ। ଏହାଦ୍ୱାରା ମସ୍ତିଷ୍କକୁ ଖରାପ ହେବାକୁ ଲାଗିଥାଏ । ଲୋକମାନେ ଯଦି ଗୋଟିଏ ମାସ ପର୍ଯ୍ୟନ୍ତ ଫୋନ୍ ନ ଧରନ୍ତି ତେବେ, ନିଜର ଭାବନା ସହିତ ଅଧିକ ସମୟ ବିତାଇ ପାରିବେ ଏବଂ ସବୁକିଛି କାମ ଠିକ୍ ସେ କରିକାରିବେ । ଯଦିଓ ବିଶେଷଜ୍ଞମାନେ ମାନନ୍ତି ଯେ ସ୍କ୍ରିନ ଟାଇମ କମାଇବା, ଅକାରଣରେ ସୋସିଆଲ ମିଡିଆ ସ୍କ୍ରଲିଂରୁ ବଞ୍ଚିବା ଏବଂ ଦିନର କିଛି ଘଣ୍ଟା ଫୋନଠାରୁ ଦୂରରେ ରହିବା ଲାଭଦାୟକ ହୋଇପାରେ । ଏକ ମାସର ଡିଜିଟାଲ୍ ବ୍ରେକ୍ ସମସ୍ତଙ୍କ ପାଇଁ ଜରୁରୀ ନୁହେଁ, କିନ୍ତୁ ଏହା ଦ୍ୱାରା ଏହା ନିଶ୍ଚିତ ଭାବେ ବୁଝିହେବ ଯେ ଟେକ୍ନୋଲୋଜିର ସନ୍ତୁଳିତ ବ୍ୟବହାର ଆମର ମାନସିକ ଏବଂ ଶାରୀରିକ ସ୍ୱାସ୍ଥ୍ୟ ପାଇଁ କେତେ ଗୁରୁତ୍ୱପୂର୍ଣ୍ଣ । ଏଥିସହ ଯଦି ଆପଣ ଏକମାସ ପର୍ଯ୍ୟନ୍ତ ଫୋନ୍ ବ୍ୟବହାର ନ କରୁଛନ୍ତି, ତେବେ ଆପଣ ଗୋଟିଏ ବଢ଼ିଆ ଲାଇଫଷ୍ଟାଇଲ୍ ପାଇପାରିବେ ।
