ଆପଣମାନେ ତ ଜାଣିଥିବେ ଖାଦ୍ୟରେ ତେଜପତ୍ରର ବହୁଳ ବ୍ୟବହାର କରାଯାଏ । କିନ୍ତୁ, ଆପଣ ଜାଣିଛନ୍ତି କି ଏହାକୁ ଖାଦ୍ୟରେ ସାମିଲ କଲେ କେଉଁ ସବୁ ଲାଭ ମିଳିବ । ତାହେଲେ ଆସନ୍ତୁ ଜାଣିବା ତେଜପତ୍ରକୁ ଖାଦ୍ୟରେ ସାମିଲ କଲେ କଣ ଫାଇଦା ମିଳିବ । ଯେପରି ଖାଦ୍ୟ ହଜମ କରିବାରେ ସାହାଯ୍ୟ କରେ ଏବଂ ପେଟ ଫୁଲିବା, କୋଷ୍ଠକାଠିନ୍ୟ ଏବଂ ଡାଇରିଆ ଭଳି ସମସ୍ୟାକୁ ରୋକେ । ଏହା ବ୍ୟତୀତ, ଏହା ଆହୁରି ଅନେକ ସ୍ୱାସ୍ଥ୍ୟ ସମସ୍ୟାରୁ ମୁକ୍ତି ଦେବାରେ ଲାଭଦାୟକ । କିନ୍ତୁ ଆଜି ଆମେ ଆପଣଙ୍କୁ ତେଜପତ୍ର ପାଣି ପିଇବାର ଲାଭ କହିବୁ ଯାହା ଶରୀରର ଅନେକ ସମସ୍ୟାରେ ଉପଯୋଗୀ ହୋଇପାରେ । ଏହା ସହିତ, ଆମେ ଏହାକୁ ତିଆରି କରିବାର ପ୍ରଣାଳୀ ମଧ୍ୟ ଜଣାଇବୁ ।
ଫ୍ୟାଟି ଲିଭର ହେଉଛି ଏମିତି ଏକ ସମସ୍ୟା ଯେଉଁଥିରେ ଅନେକ ଲୋକ ପିଡ଼ିତ । ଫ୍ୟାଟି ଲିଭର୍ ରୋଗରେ ପିଡ଼ିତ ରୋଗୀମାନଙ୍କରେ ଫ୍ୟାଟ୍ ଲିପିଡସ୍ ଲିଭରରେ ଜମା ହୋଇଯାଏ ଏବଂ ପରେ ଲିଭରର କାର୍ଯ୍ୟ ଧୀର ହୋଇଯାଏ । ମେଦବହୁଳତା ଏବଂ ଡାଇବେଟିଜ୍ରେ ପୀଡିତ ରୋଗୀମାନେ ଏହି ସମସ୍ୟାର ସମ୍ମୁଖୀନ ଅଧିକ ହୁଅନ୍ତି । କହି ରଖିବାକୁ ଚାହିଁବୁ ତେଲିଆ ଏବଂ କ୍ୟାଲୋରୀ ଥିବା ଖାଦ୍ୟର ଅତ୍ୟଧିକ ବ୍ୟବହାର ଫ୍ୟାଟି ଲିଭରର କାରଣ ହୋଇପାରେ । ଏପରି ପରିସ୍ଥିତିରେ ଏହାକୁ ନିୟନ୍ତ୍ରଣ କରିବା ପାଇଁ ଆପଣ ନିଜ ଲାଇଫଷ୍ଟାଇଲରେ ଉନ୍ନତି ଆଣିବାକୁ ପଡିବ ଏବଂ ଆପଣଙ୍କର ଡାଏଟ୍ ମଧ୍ୟ ପରିବର୍ତ୍ତନ କରିବାକୁ ପଡିବ ।
ଏହା ଫ୍ୟାଟି ଲିଭରରେ ଲାଭଦାୟକ :
ଫ୍ୟାଟି ଲିଭର ସମସ୍ୟାରେ ତେଜପତ୍ରର ବ୍ୟବହାର ବହୁତ ଲାଭଦାୟକ । ଏହା ଏକ ମୂତ୍ରବର୍ଦ୍ଧକ ଭାବରେ କାର୍ଯ୍ୟ କରିପାରେ ଏବଂ ଲିଭରକୁ ଭଲ ରଖିବାରେ ସାହାଯ୍ୟ କରିଥାଏ । ଯେତେବେଳେ ଆପଣ ଏହାର ପାଣି ପିଅନ୍ତି, ଏହା ପରିସ୍ରାକୁ ଉତ୍ତେଜିତ କରେ ଏବଂ ଲିଭରକୁ ବିଷମୁକ୍ତ କରିବାରେ ସହାୟକ ହୁଏ ।
ତେଜପତ୍ର ପାଣି ପିଇବାର ଅନ୍ୟାନ୍ୟ ଲାଭ :
ତେଜପତ୍ରରେ ଆଣ୍ଟିବ୍ୟାକ୍ଟେରିଆଲ୍, ଆଣ୍ଟିଭାଇରାଲ୍ ଏବଂ ଆଣ୍ଟି-ଇମ୍ଫ୍ଲେମାଟୋରୀ ଗୁଣ ଭରପୂର ଯାହା ଶ୍ୱାସକ୍ରିୟା ସଂକ୍ରମଣ ଏବଂ ଅନ୍ୟାନ୍ୟ ରୋଗକୁ ରୋକିବାରେ ସାହାଯ୍ୟ କରେ । ଏହା ସହିତ, ଏହାକୁ ପିଇବା ଦ୍ୱାରା ସ୍ୱାସ୍ଥ୍ୟ ଭଲ ରହିଥାଏ । ଏହା ଆପଣଙ୍କ ଛାତିରେ ଜମା ହୋଇଥିବା କଫକୁ ବାହାର କରିପାରେ ଏବଂ ଆପଣ ନିଶ୍ୱାସ ସଠିକ ଭାବେ ନେଇପାରନ୍ତି ।
ହାର୍ଟ ପାଇଁ ଲାଭଦାୟକ : ତେଜପତ୍ର ପାଣି ହାର୍ଟକୁ ମଜବୁତ କରେ ଏବଂ ଖରାପ କୋଲେଷ୍ଟ୍ରଲକୁ କମ କରିବାରେ ସାହାଯ୍ୟ କରେ । ଏହିପରି ଭାବରେ ଏହା ହାର୍ଟ ସ୍ୱାସ୍ଥ୍ୟ ପାଇଁ ଅନେକ ଦିଗରେ ଲାଭଦାୟକ ।
ଡାଇବେଟିସ ରୋଗରେ ଲାଭଦାୟକ : ତେଜପତ୍ର ପାଣି ପିଇବା ଦ୍ୱାରା ଡାଇବେଟିସ ନିୟନ୍ତ୍ରଣ କରାଯାଇପାରିବ । ଏହା ଶରୀରରେ ଇନସୁଲିନ୍ ବୃଦ୍ଧି କରି ସୁଗାର ଲେବଲକୁ କମ କରିବାରେ ସାହାଯ୍ୟ କରିପାରିବ । ଏହା ବ୍ୟତୀତ, ତେଜପତ୍ରରେ ମିଳୁଥିବା ଫାଇଟୋକେମିକାଲ୍ସ ଇନସୁଲିନ୍ ରିସେପ୍ଟର କାର୍ଯ୍ୟକୁ ଉନ୍ନତ କରି ଡାଇବେଟିସ ନିୟନ୍ତ୍ରଣ କରିବାରେ ସହାୟକ ହୋଇଥାଏ ।
ତେଜପତ୍ର ପାଣି କିପରି ପ୍ରସ୍ତୁତ କରିବେ ?
ତେଜପତ୍ର ପାଣି ତିଆରି କରିବା ପାଇଁ, ୨ କପ ପାଣିରେ ୫ଟି ତେଜପତ୍ର ମିଶାଇ ଫୁଟାନ୍ତୁ । ପାଣିକୁ ପ୍ରାୟ ୧ କପ ପର୍ଯ୍ୟନ୍ତ ଫୁଟିବାକୁ ଦିଅନ୍ତୁ । ତା’ପରେ ଉପରେ ଟିକେ ଲୁଣ ମିଶାଇ ସେବନ କରନ୍ତୁ । ଦେଖିବେ ଆପଣଙ୍କ ଏହି ସବୁ ସ୍ୱାସ୍ଥ୍ୟ ସମସ୍ୟାରୁ ଆରାମ ପାଇପାରିବେ ।
