ବଡ଼ଦେଉଳରୁ ପୁଣି ଖସିଲା ପଥର

ପୁରୀ: ଶ୍ରୀମନ୍ଦିର ଭିତରେ ଥିବା ଏକାଦଶୀ ମନ୍ଦିରର ଉପର ଭାଗରୁ ପଥର ଖସିଥିବା ନେଇ ସୂଚନା ମିଳିଛି। ତେବେ ମନ୍ଦିରରୁ ପଥର ଖସିଥିଲେ ମଧ୍ୟ ଏଥିରେ କାହାର କିଛି ବି କ୍ଷତି ଘଟିନି। ତେବେ ପଥର ଖସି ଏକାଦଶୀ ମନ୍ଦିରର ଟିଣ ଛାତ କଣା ହୋଇଥିବା ସୂଚନା ମିଳିଛି ।ବର୍ତ୍ତମାନ ପାଇଁ ପଥରଟିକୁ ଶ୍ରୀମନ୍ଦିର ଗାରଦରେ ଜମା କରାଯାଇଥିବାବେଳେ, ପଥରଟି କେଉଁଠୁ ପଡିଛି ସେ ନେଇ ଏଏସଆଇ ଯାଞ୍ଚ ପରେ ସ୍ପଷ୍ଟ ହେବ ବୋଲି କୁହାଯାଇଛି। ପଶ୍ଚିମ-ଦକ୍ଷିଣ କୋଣ ବରାହ ମନ୍ଦିର ନିକଟ ଏକାଦଶୀ ମନ୍ଦିର ଉପରେ ପଥର ଖଣ୍ଡ ଖସିଛି। ନିକଟରେ ଶ୍ରୀମନ୍ଦିରର ଏହି ପାର୍ଶ୍ୱରୁ କିଛି ପଥର ବଦଳାଯାଇ ନୂଆ ପଥର ଲାଗିଥିଲା।