Monday, November 16, 2026
17.6 C
Odisha

    ବନାଗ୍ନିରେ ଲସ୍ଏଞ୍ଜେଲସ୍ ଜଳୁଛି: ୫ ମୃତ, ଲକ୍ଷାଧିକ ଲୋକ ଘର ଛାଡ଼ିଲେ

    ଆଗକୁ ପଢନ୍ତୁ

    ୱାସିଂଟନ: ଲସ୍ ଏଞ୍ଜେଲସ ଜଙ୍ଗଲରେ ଲାଗିଥିବା ନିଆଁ ଯୋଗୁଁ ୫ ଜଣ ଲୋକଙ୍କ ମୃତ୍ୟୁ ଘଟିଥିବା ବେଳେ ବ୍ୟାପକ କ୍ଷୟକ୍ଷତି ହୋଇଛି। ଲକ୍ଷାଧିକ ଲୋକ ଘରୁ ପଳାଇବାକୁ ବାଧ୍ୟ ହୋଇଛନ୍ତି। ଇତିମଧ୍ୟରେ ହଲିଉଡର ପ୍ରସିଦ୍ଧ ଚିହ୍ନ ଥିବା ହଲିଉଡ ହିଲ୍ସରେ ‘ସନ୍‌ସେଟ୍ ଫାୟାର୍’ ନାମକ ଏକ ନୂଆ ନିଆଁ ଲାଗିଛି। ସନ୍‌ସେଟ୍ ଫାୟାର୍‌ ଅଦ୍ୟାବଧି ରୁନିୟନ କ୍ୟାନିଅନ୍ ଓ ୱାଟଲସ୍ ପାର୍କ ମଧ୍ୟରେ ୨୦ ଏକର ଅଞ୍ଚଳକୁ ଗ୍ରାସି ସାରିଲାଣି। ତେଣେ ନବନିର୍ବାଚିତ ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ ସଂକଟର ମୁକାବିଲା ଲାଗି ଅପାରଗ ସରକାରଙ୍କୁ ସମାଲୋଚନା କରିଥିବା ବେଳେ ରାଷ୍ଟ୍ରପତି ଜୋ ବାଇଡେନ ଇଟାଲୀ ଗସ୍ତକୁ ବାତିଲ କରିବା ସହ ଏକ ସଂଘୀୟ ବିପର୍ଯ୍ୟୟ ଘୋଷଣାନାମାରେ ସ୍ୱାକ୍ଷର କରିଛନ୍ତି, ଯେଉଁଥିରେ ପ୍ରଭାବିତ ବ୍ୟକ୍ତିମାନଙ୍କୁ ଫେଡେରାଲ ପାଣ୍ଠି ଉପଲବ୍ଧ କରାଇବାକୁ ଅନୁମତି ଦିଆଯାଇଛି। ହଲିଉଡର ପ୍ରସିଦ୍ଧ ଚିହ୍ନ ବ୍ୟତୀତ, ପ୍ରତିବର୍ଷ ଓସ୍କାର ପୁରସ୍କାର ସମାରୋହ ଆୟୋଜନ କରାଯାଉଥିବା ଡଲବି ଥିଏଟର ପ୍ରତି ଏହି ଅଗ୍ନିକାଣ୍ଡ ବିପଦ ସୃଷ୍ଟି କରିଛି। ହଲିଉଡ୍ ବାଉଲ୍ ଆଉଟଡୋର ଆମ୍ଫିଥିଏଟର ଓ ହଲିଉଡ୍ ୱାକ୍ ଅଫ୍ ଫେମ୍ ସମେତ ଲସ୍ ଏଞ୍ଜେଲସ୍‌ର ଅନ୍ୟାନ୍ୟ ଐତିହାସିକ ସ୍ଥାନ ମଧ୍ୟ ବିପଦସଙ୍କୁଳ ଅବସ୍ଥାରେ ରହିଛି।

    ବୁଧବାର ସନ୍ଧ୍ୟାରେ ନୂଆ ନିଆଁ ଯୋଗୁଁ ସେଲିବ୍ରିଟିଙ୍କ ବାସଭବନ ପାଇଁ ପ୍ରସିଦ୍ଧ ହଲିଉଡ ବୁଲେୱାର୍ଡର ଦକ୍ଷିଣସ୍ଥ ଲରେଲ କ୍ୟାନିଅନ୍ ବୁଲେୱାର୍ଡ ଓ ମୁଲହଲାଣ୍ଡ ଡ୍ରାଇଭ୍‌ର କିଛି ଅଂଶ ପାଇଁ ବାଧ୍ୟତାମୂଳକ ସ୍ଥାନାନ୍ତର ଆଦେଶ ଜାରି କରାଯାଇଥିଲା। ଲସ୍ ଏଞ୍ଜେଲସର ପଶ୍ଚିମରେ ଥିବା ପାଲିସାଡେସ୍ ଅଗ୍ନିକାଣ୍ଡ ନିକଟରେ ମଧ୍ୟ ସ୍ଥାନାନ୍ତର ନିର୍ଦ୍ଦେଶ ଜାରି କରାଯାଇଥିବା ବେଳେ ହର୍ଷ୍ଟ ଅଗ୍ନିକାଣ୍ଡ ନିକଟସ୍ଥ ସାନ୍ ଫର୍ଣ୍ଣାଣ୍ଡୋ ଉପତ୍ୟକାରେ ବାସିନ୍ଦାମାନଙ୍କୁ ସେମାନଙ୍କ ଘର ଛାଡ଼ିବାକୁ କୁହାଯାଇଛି। ଇଟନ୍ ଅଗ୍ନିକାଣ୍ଡ ଯୋଗୁଁ ସାନ୍ତା ମୋନିକା ଓ ଅଲଟାଡେନାର କିଛି ଅଂଶକୁ ସ୍ଥାନାନ୍ତର କରାଯାଇଥିଲା। ଲସ୍ ଏଞ୍ଜେଲସ୍ ଓ ଏହାର ପଡ଼ୋଶୀ ଭେଞ୍ଚୁରା କାଉଣ୍ଟିରେ ଏବେ ଅତି କମ୍‌ରେ ୬ଟି ଅଗ୍ନିକାଣ୍ଡ ଘଟିଛି। ଉଡଲି ଅଗ୍ନିକାଣ୍ଡର ଆକାର ହ୍ରାସ ପାଇଥିବା ବେଳେ ବାକି ନିଆଁ ସମ୍ପୂର୍ଣ୍ଣ ନିୟନ୍ତ୍ରଣ ବାହାରେ ରହିଛି। ଲସ୍ ଏଞ୍ଜେଲସ୍ ଇତିହାସରେ ମଙ୍ଗଳବାର ପ୍ରଥମ ଥର ପାଇଁ ଅଗ୍ନିକାଣ୍ଡ ଘଟିଥିବା ପାଲିସାଡେସ୍ ଅଗ୍ନିକାଣ୍ଡକୁ ସବୁଠାରୁ ବିନାଶକାରୀ କୁହାଯାଉଛି। ବର୍ତ୍ତମାନ ସୁଦ୍ଧା ସ୍ଥାନାନ୍ତର ହୋଇଥିବା ଲୋକଙ୍କ ସଂଖ୍ୟା ୧,୩୭,୦୦୦ରୁ ଅଧିକ ହୋଇଥିବା ବେଳେ ଦକ୍ଷିଣ କାଲିଫର୍ଣ୍ଣିଆରେ ରହୁଥିବା ପ୍ରାୟ ୧୭ ନିୟୁତ ଲୋକ ଧୂଆଁରେ ପ୍ରଭାବିତ ହୋଇଛନ୍ତି। ଏହି ଅଗ୍ନିକାଣ୍ଡକୁ ନେଇ ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରାଷ୍ଟ୍ରପତି ଜୋ ବାଇଡେନ ଓ କାଲିଫର୍ଣ୍ଣିଆ ଗଭର୍ଣ୍ଣର ଗାଭିନ୍ ନ୍ୟୁସୋମଙ୍କୁ ସମାଲୋଚନା କରିଛନ୍ତି। ନିଆଁର ମୁକାବିଲା ପାଇଁ ସରକାରଙ୍କ ପାଖରେ ଆବଶ୍ୟକ ସମ୍ବଳ ନ ଥିବା ସେ ଅଭିଯୋଗ କରିଛନ୍ତି। ଟ୍ରମ୍ପ କହିଛନ୍ତି, ‘ଫାୟାର ହାଇଡ୍ରେଣ୍ଟରେ ପାଣି ନାହିଁ, ଫେମାରେ ଟଙ୍କା ନାହିଁ। ଜୋ ବାଇଡେନ ମୋତେ ଏୟା ଛାଡି ଚାଲିଯାଉଛନ୍ତି।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    17.6 ° C
    17.6 °
    17.6 °
    81 %
    1.2kmh
    86 %
    Mon
    27 °
    Tue
    26 °
    Wed
    25 °
    Thu
    21 °
    Fri
    19 °

    ସମ୍ବନ୍ଧିତ