ଉତ୍ତରପ୍ରଦେଶ : କ୍ରିକେଟର ରିଙ୍କୁ ସିଂ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି । ସେ ତାଙ୍କ ଭାବି ସ୍ତ୍ରୀ ଏବଂ ସାଂସଦ ପ୍ରିୟା ସରୋଜଙ୍କ ସହିତ ବାରଣାସୀ ବାବା ବିଶ୍ବନାଥ ମନ୍ଦିରରେ ନଜର ଆସିଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେବାରେ ଲାଗିଛି ।
ରିଙ୍କୁ ସିଂ ଏବଂ ପ୍ରିୟା ସରୋଜ ସେମାନଙ୍କ ଇନଷ୍ଟାଗ୍ରାମ ଆକାଉଣ୍ଟରେ ବାରଣାସୀ ଟ୍ରିପର କିଛି ଫଟୋ ସେୟାର କରିଛନ୍ତି । ଯେଉଁଥିରେ ସେମାନେ ବାବା ବିଶ୍ବନାଥଙ୍କୁ ଦର୍ଶନ କରୁଥିବାର ଦେଖିବାକୁ ମିଳିଛି । ଏଥିସହିତ ଉଭୟେ ଖୁସି ଥିବା ନଜର ଆସିଛନ୍ତି । ଦୁହେଁ ସିମ୍ପଲ୍ ଲୁକରେ ନଜର ଆସିଛନ୍ତି ।
ରିଙ୍କୁଙ୍କୁ ନୀଳ ରଙ୍ଗର ପୋଷାକ ସହିତ ହାତରେ ପବିତ୍ର ସୂତା ଏବଂ ବେକରେ ଏକ ଚେନ୍ ପିନ୍ଧି ସୁନ୍ଦର ଦେଖାଯାଇଛନ୍ତି । ସେହିପରି ପ୍ରିୟା ଏକ ସୁନ୍ଦର ଫୁଲ ପକା ଶାଢୀରେ ନଜର ଆସିଛନ୍ତି । ଦୁହିଁଙ୍କର ଗେଟଅପ୍ ସମସ୍ତ ଫ୍ୟାନ୍ସକୁ ଆକର୍ଷିତ କରିଛି । ଏହା ବ୍ୟତୀତ ସେମାନେ ଗଙ୍ଗା ଆଳତୀ ସମୟରେ ମଧ୍ୟ ନଜର ଆସିଛନ୍ତି । ଯାହାକୁ ନେଇ ଅନେକ କଳ୍ପନାଜଳ୍ପନା ଜୋର ଧରିଛି । ସେମାନଙ୍କ ବିବାହ ଚଳିତ ବର୍ଷ ଜୁନ୍ ମାସରେ ହେବ ବୋଲି କୌଣସି ଏକ ସୂତ୍ରରୁ ଜଣାପଡିଛି ।
