ପୁଣେ : ମହାରାଷ୍ଟ୍ର ପୁଣେ ବାରାମତୀରୁ ପୁଣି ଏକ ବିମାନ ଦୁର୍ଘଟଣା । ବାରାମତୀ ଏୟାରପୋର୍ଟ କ୍ୟାମ୍ପସରେ ଏକ ଟ୍ରେନିଂ ବିମାନ ଦୁର୍ଘଟଣାଗ୍ରସ୍ତ ହୋଇଛି । ବିମାନଟି ଅବତରଣ କରୁଥିବା ସମୟରେ ଏହି ଦୁର୍ଘଟଣା ଘଟିଛି । ବିମାନଟି କମ୍ ଉଚ୍ଚତାରୁ ଖସିପଡ଼ିଥିବା ଜଣାପଡ଼ିଛି । ବିମାନରେ ଥିବା ଟ୍ରେନି ପାଇଲଟ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି । ତେବେ ଏହି ଘଟଣାରେ କୌଣସି ମୃତାହତ ହୋଇନାହିଁ । ଘଟଣା ପରେ ଉଦ୍ଧାରକାରୀ ଟିମ୍ ପହଞ୍ଚି ସଂପୂର୍ଣ୍ଣ ମାମଳାର ଯାଞ୍ଚ କରୁଛି ।
ଆଜି ବାରାମତୀରେ ଦୁର୍ଘଟଣାଗ୍ରସ୍ତ ହୋଇଥିବା ଟ୍ରେନିଂ ବିମାନ ସମ୍ପର୍କରେ ଜଣାପଡ଼ିଛି ଯେ, ଦିନ ପ୍ରାୟ ୧୨ଟା ୩୫ ମିନିଟ୍ ରେ ଏହି ଘଟଣା ଘଟିଥିଲା । ଏୟାରପୋର୍ଟ ପରିସରରେ ଅବତରଣ କରିବାକୁ ଚେଷ୍ଟା କରୁଥିବାବେଳେ ଟ୍ରେନିଂ ବିମାନଟି ହଠାତ୍ ତଳକୁ ଖସିପଡ଼ିଥିଲା ।
ଏହାପୂର୍ବରୁ ମଇରେ ବାରାମତୀ ଏୟାରପୋର୍ଟ ନିକଟରେ ଏକ ଟ୍ରେନିଂ ବିମାନ ଦୁର୍ଘଟଣାର ଶିକାର ହୋଇଥିଲା । ବିମାନରେ ବୈଷୟିକ ତ୍ରୁଟି ଯୋଗୁଁ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ମଧ୍ୟ ଟ୍ରେନି ପାଇଲଟ ସୁରକ୍ଷିତ ଉଦ୍ଧାର ହୋଇଥିଲେ ।
ସୂଚନାଯୋଗ୍ୟ, ବାରାମତୀରେ ହିଁ ପୂର୍ବତନ ଉପମୁଖ୍ୟମନ୍ତ୍ରୀ ଅଜିତ ପୱାରଙ୍କ ବିମାନ ଦୁର୍ଘଟଣା ଘଟିଥିଲା । ସେହି ଦୁର୍ଘଟଣାରେ ଅଜିତ ପାୱାରଙ୍କ ସମେତ ବିମାନରେ ଥିବା ସମସ୍ତ ୬ ଜଣଙ୍କ ମୃତ୍ୟୁ ହୋଇଥିଲା ।
