ଭୁବନେଶ୍ବର : ବାଲିଅନ୍ତା ସୌମ୍ୟଙ୍କୁ ପିଟିପିଟି ହତ୍ୟା ମାମଲାରେ ଜଣଙ୍କୁ ଇଠାଇନେଲା କ୍ରାଇମବ୍ରାଞ୍ଚ । ବର୍ବର କାଣ୍ଡରେ ସମ୍ପୃକ୍ତି ଥିବା ନେଇ ଜଣେ ଅଭିଯୁକ୍ତକୁ ଉଠାଇ ନେଲା କ୍ରାଇମବ୍ରାଞ୍ଚ । ଭିଡ଼ ଭିତରେ ସୋମ୍ୟଙ୍କୁ ହତ୍ୟା କରିଥିବା ଆଉ ଜଣେ ଯୁବକକୁ ଅଟକ ରଖି ପଚରାଉଚରା । ୧୬ ଜଣ ଅଭିଯୁକ୍ତଙ୍କ ତାଲିକା ପ୍ରସ୍ତୁତ କରିଛି ଟିମ । ଏଯାବତ ଗିରଫ ହୋଇଛନ୍ତି ୧୧ଜଣ । ଅନ୍ୟ ଅଭିଯୁକ୍ତଙ୍କ ଚିହ୍ନଟ ପାଇଁ ଝାରପଡ଼ା ଜେଲକୁ ଯିବ କ୍ରାଇମବ୍ରାଞ୍ଚ । ସେପଟେ ସୋମ୍ୟର ବ୍ୟବସାୟିକ କାରବାର ଖୋଳତାଡ଼ କରିବ କ୍ରାଇମବ୍ରାଞ୍ଚ ।
ସୌମ୍ୟଙ୍କ ସାଙ୍ଗ ଓ ଜିମରେ ଘନିଷ୍ଠ ଚିହ୍ନା ପରିଚିତଙ୍କ ତାଲିକା ପ୍ରସ୍ତୁତ କରିଛି ଟିମ୍ । ସେମାନଙ୍କୁ ସୌମ୍ୟ ବାବଦରେ ଅଧିକ ତଥ୍ୟ ନିଆଯିବ । ସେହିଭଳି ଘଟଣା ସ୍ଥଳରେ ଉପସ୍ଥିତ ଚାରି ଜଣଙ୍କ କଲ ଡିଟେଲସ୍ ମଗାଯାଇଛି । ସାମାଜିକ ଗଣମାଧ୍ୟମରେ ଭାଇରାଲ୍ ଭିଡିଓ ଆଧାରରେ କ୍ରାଇମବ୍ରାଞ୍ଚ ଅଭିଯୁକ୍ତଙ୍କୁ ଚିହ୍ନଟ କରିଛି । ଏମାନଙ୍କ ସଂଖ୍ୟା ବଢ଼ିପାରେ। କେଉଁ ପରିସ୍ଥିତିରେ ଭିଡ଼ ହିଂସା ସ୍ଥିତି ସୃଷ୍ଟି ହେଲା ସେ ନେଇ ତଥ୍ୟ ହାସଲ କରିଛି । ତିନି ଜଣ ପ୍ରତ୍ୟକ୍ଷ ଦର୍ଶୀ ଙ୍କ ନେଇ ଖୋଳତାଡ଼ ଜାରି ରଖିଛି କ୍ରାଇମବ୍ରାଞ୍ଚ ।
