ରାଜସ୍ଥାନ : ରାଜସ୍ଥାନ ଧୋଲପୁର ଜିଲ୍ଲାରେ ବେଆଇନ ଖଣି ଖନନ ପୁଣି ଥରେ ଛୁଆର ଜୀବନ ନେଇଛି । ନିହାଲଗଂଜ ଥାନା ଅଞ୍ଚଳରେ ମୋହନ କଲୋନୀରେ ମାଟିରେ ଭର୍ତ୍ତିଥିବା ଟ୍ରାକ୍ଟର ଟ୍ରଲି ଘର ବାହାରେ ଖେଳୁଥିବା ୬ ବର୍ଷୀୟ ପିଲା ଉପରେ ମାଡ଼ିଯାଇଛି । ଟ୍ରାକ୍ଟର ଟ୍ରଲିର ଦୁଇଟି ଚକା ପିଲା ଉପରେ ମାଡ଼ିଯାଇଥିଲା । ଫଳରେ ଘଟଣା ସ୍ଥଳରେ ପିଲାର ଜୀବନ ଚାଲିଯାଇଛି ।
ଖବର ମୁତାବକ, ମୋହନ କଲୋନୀ ନିବାସୀ ଫିରୋଜଙ୍କ ୬ ବର୍ଷୀୟ ଝିଅ ସାଙ୍ଗ ସହିତ ଘର ବାହାରେ ଖେଳୁଥିବା ବେଳେ ମାଟି ଭର୍ତ୍ତି ଟ୍ରକ ମାଡ଼ି ଯାଇଥିଲା । ଅନ୍ୟ ପିଲାଟି ଅଳ୍ପକେ ବର୍ତ୍ତିଯାଇଥିବା ବେଳେ କିନ୍ତୁ ଅନ୍ୟ ପିଲାଟି ଘଟଣା ସ୍ଥଳରେ ମୃତ୍ୟୁ ହୋଇଥିଲା । ମୃତ ପିଲାଟିର ବାପା ଦିଲ୍ଲୀରେ ଶ୍ରମିକ ଭାବେ କାମ କରନ୍ତି । ଘଟଣା ବିଷୟରେ ଜଣାପଡିବା ପରେ ଶୋକର ଛାୟା ଖେଳିଯାଇଛି ।
ଘଟଣା ସାମ୍ନାକୁ ଆସିବା ପରେ ଟ୍ରାକ୍ଟର ଡ୍ରାଇଭରକୁ ଲୋକମାନେ କାବୁ କରିଥିଲେ । କିନ୍ତୁ ଡ୍ରାଇଭରର ସହଯୋଗୀ ମାରଣାସ୍ତ୍ର ନେଇ ଧମକ ଦେବା ପରେ ଲୋକମାନେ ଛାଡିଦେଇଥିଲେ । ଏହାପରେ ପୋଲିସ ଆସି ତଦନ୍ତ ଆରମ୍ଭ କରିଛି ।
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ପ୍ରତିଦିନ କଲୋନୀ ଗଳିରେ ଅବୈଧ ମାଟି ଚାଲାଣ ହେଉଛି । ଅନେକ ଥର ଟ୍ରାକ୍ଯର ଚାଳକଙ୍କୁ ବୁଝାଯାଇଛି, କିନ୍ତୁ ସେମାନେ ମାନୁନାହାନ୍ତି । ଓଲଟା ସ୍ଥାନୀୟ ବାସିନ୍ଦାଙ୍କ ଉପରେ ଗାଳିଗୁଲଜ କରୁଛନ୍ତି ।
