ମୁମ୍ବାଇ : IPL ୨୦୨୬ରେ RCB ପାଇଁ ୭୮ ରନ୍ କରି ରେକର୍ଡ ଭାଙ୍ଗିଲେ ବୈଭବ ସୂର୍ଯ୍ୟବଂଶୀ । ସେ ଭୁବନେଶ୍ୱର କୁମାର ଏବଂ ହାଜେଲଉଡଙ୍କ ଭଳି ବୋଲରଙ୍କୁ ପଛରେ ପକାଇ ଦେଇଛନ୍ତି ବୈଭବ । ମ୍ୟାଚ୍ ଶେଷ ହେବା ପରେ ବିରାଟ କୋହଲି ଏକ ସ୍ବତନ୍ତ୍ର ମେସେଜ୍ ଦେଇ ବୈଭବଙ୍କ ପ୍ରଶଂସା କରିଛନ୍ତି । ଯାହାର ଏକ ଭିଡିଓ ସାମ୍ନାକୁ ଆସିଛି । ବୈଭବ ସୂର୍ଯ୍ୟବଂଶୀ ଏବେ ଅରେଞ୍ଜ୍ କ୍ୟାପକୁ ମଧ୍ୟ ହାସଲ କରିଛନ୍ତି ।
ଭାଇରଲ ହେଉଥିବା ଭିଡିଓରେ ଦେଖିବାକୁ ମିଳିଥିବା କ୍ୟାପରେ ବିରାଟ କୋହଲିଙ୍କ ସିଗ୍ନେଚର ଦେଖିବାକୁ ମିଳିଛି । ଯେଉଁଥିରେ ବିରାଟ ଲେଖିଛନ୍ତି ଯେ, ‘‘ଡିୟର୍ ବୈଭବ, ୱେଲ୍ ଡନ୍ ।’’ ବିରାଟଙ୍କ ଏହି ଛୋଟ ମେସେଜ ସୋସିଆଲ ମିଡିଆରେ ଖୁବ୍ ଜୋର୍ ଧରିଛି । ପ୍ରଶଂସକଙ୍କ ମଧ୍ୟରେ ଏହା ଆଲୋଚନାର ବିଷୟବସ୍ତୁ ପାଲଟିଛି । ଏଥିସହ ଅଧିନାୟକ ରିୟାନ ପରାଗ ମଧ୍ୟ ବୈଭବଙ୍କୁ ପ୍ରଶଂସା କରିଛନ୍ତି ।
ଯଦି ତାଙ୍କ ମ୍ୟାଚ୍ ସମ୍ପର୍କରେ କୁହାଯାଏ ତେବେ ବୈଭବଙ୍କ ଇନିଂସ କେବଳ ରନ ସ୍କୋର କରିବା ବିଷୟରେ ନଥିଲା । ଏହା ମ୍ୟାଚ୍ର ସମ୍ପୂର୍ଣ୍ଣ ଗତିଶୀଳତାକୁ ବଦଳାଇ ଦେଇଥିଲା । ତାଙ୍କର ପ୍ରାରମ୍ଭିକ ଆକ୍ରମଣ ରାଜସ୍ଥାନ ରୟାଲ୍ସକୁ ୧୨ଟି ବଲ ବାକି ଥାଇ ଲକ୍ଷ୍ୟ ହାସଲ କରି ଏକ ଆରାମଦାୟକ ୬ ୱିକେଟ ବିଜୟ ହାସଲ କରିବାରେ ସାହାଯ୍ୟ କରିଥିଲା । ଯାହା ରାଜସ୍ଥାନ ଟିମକୁ ଆହୁରି ମଜବୁତ କରିଛି ।
