ଭୁବନେଶ୍ୱର : ରାଜଧାନୀର ଦେଉଳିଆପାଟଣା ଭାଇ ଭାଇ ଆଶ୍ରମ ବାବା ଗିରଫ । ବାବା ଅଜୟ ସାମନ୍ତରାୟକୁ ଗିରଫ କଲା ପୋଲିସ୍ । ଇନଫୋଭାଲି ଦେଉଳିଆ ପାଟଣା ଆଶ୍ରମ ଗୁଳିମାଡ଼ ଘଟଣାର ପର୍ଦ୍ଦାଫାସ କରି ଏଭଳି କେଳେଙ୍କାରୀର ଖୁଲାସା କରିଛି ପୋଲିସ ।
ଗୁଳିମାଡ଼ କରିଥିବା ଦୁଇ ଅଭିଯୁକ୍ତ ମୁକ୍ତି ଦାସ ଓ ସୁରଜ୍ ରାଉତକୁ ଭଦ୍ରକରୁ ଗିରଫ କରିଛି ପୋଲିସ । ଗୁଳିମାଡ଼ କାରଣ ଖୋଜୁ ଖୋଜୁ ଆଶ୍ରମ କେଳେଙ୍କାରୀର ବଦଲା ନେବାକୁ ଏଭଳି ଗୁଳିମାଡ଼ ହୋଇଥିବା ଖୁଲାସା ହୋଇଛି । ୨୦୨୨ମସିହାରେ ଦଶମ ପରୀକ୍ଷାରେ ଭଲ କରିବା ପାଇଁ ଆଶ୍ରମକୁ ଆସିଥିଲେ ଜଣେ ନାବାଳିକା ।
ଯାହାଙ୍କୁ ସେବେଠୁ ପୂଜା ପାଠ ଆଳରେ ଯୌନ ଶୋଷଣ କରି ଆସୁଥିଲେ ବାବା ଓ ତାଙ୍କ ସହଯୋଗୀ । ଯାହାକୁ ନେଇ ଆଶ୍ରମର କେଳେଙ୍କାରୀ ନେଇ ବଦଲା ନେବାକୁ ପୀଡିତାର ସମ୍ପର୍କୀୟ ଯୋଜନା କରିଥିଲେ । ଗତ ପାଞ୍ଚ ତାରିଖରେ ଆଶ୍ରମରେ ବାବାକୁ ଟାର୍ଗେଟ କରି ଆସି ଗୁଳିମାଡ଼ ବେଳେ ଅନ୍ୟ ଜଣଙ୍କ ଦେହରେ ଗୁଳି ବାଜିଥିଲା।
ପୋଲିସ ଫାୟାରି କେସର ଗୁମର ଫିଟାଉ ଫିଟାଉ ୪ ବର୍ଷ ତଳର ନାବାଳିକା ଯୌନ ଶୋଷଣର ସୁରାକ ପାଇଥିଲା ପୋଲିସ । ଏନେଇ ଆଶ୍ରମରେ ନାବାଳିକା ଦୁଷ୍କର୍ମ ମାମଲାରେ ବାବା ସହ ସହଯୋଗୀ ଗିରଫ ସହ ଅନ୍ୟ ଜଣେ ଗୁଳିମାଡ଼ କରିଥିବା ଦୁଇ ଅଭିଯୁକ୍ତଙ୍କୁ ମିଶାଇ ମୋଟ ୪ଜଣଙ୍କୁ ଗିରଫ କରିଛି ପୋଲିସ ।
