ଭାରସାମ୍ୟ ହରାଇ ୫ରୁ ଊର୍ଦ୍ଧ୍ବ ଦୋକାନ ଉପରେ ଚଢିଗଲା ହାଇୱା, ଅଳ୍ପକେ ବର୍ତ୍ତିଲେ ଲୋକ

ଜଳେଶ୍ବର : ଭାରସାମ୍ୟ ହରାଇ ୫ରୁ ଊର୍ଦ୍ଧ୍ବ ଦୋକାନ ଉପରେ ଚଢିଗଲା ହାଇୱା । ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଲୋକ । ବାଲେଶ୍ବର ଜଳେଶ୍ବର – ଚନ୍ଦନେଶ୍ବର ମୁଖ୍ଯ ରାସ୍ତା ଚୌକି ଛକ ନିକଟରେ ବିଳମ୍ବିତ ରାତିରେ ଘଟିଛି ଦୁର୍ଘଟଣା। ହାଇୱାଟି ଭାରସାମ୍ୟ ହରାଇ ଦୋକାନ ଗୁଡ଼ିକ ଉପରେ ଚଢିଯିବାରୁ ଚୁରମାର ହୋଇଯାଇଥିଲା ଦୋକାନ । ଘର ଭିତରେ ଥିବା ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ଉତ୍ଯକ୍ତ ଲୋକେ ହାଇୱା କୁ ଅଟକାଇ ଭଙ୍ଗାରୁଜା କରିବା ସହ କ୍ଷତିପୂରଣ ଦାବି କରିଥିଲେ । ଏହାକୁ ନେଇ ଉତ୍ତେଜନା ଦେଖାଦେଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ଡ୍ରାଇଭରକୁ ଅଟକ ରଖି ତଦନ୍ତ ଜାରି ରଖିଛି ।