Monday, March 31, 2025
32 C
Odisha

    ଭିନେଶଙ୍କୁ ଦିଆଯାଉ ଭାରତ ରନ୍ନ ଦାବି

    ଆଗକୁ ପଢନ୍ତୁ

    ନୂଆଦିଲ୍ଲୀ: ୧୦୦ଗ୍ରାମ ଅଧିକ ଓଜନ ହେତୁ ପ୍ୟାରିସ ଅଲିମ୍ପିକ୍ସର ଫାଇନାଲରୁ ଭିନେଶ ଫୋଗଟ ଅଯୋଗ୍ୟ ହୋଇଥିଲେ। ତେବେ ଖାପ ପଞ୍ଚାୟତ (ଜାତି ଆଧାରରେ) ହରିୟାଣାର ଚାରଖୀ ଦାଦ୍ରିରେ ‘ସର୍ବ ଖାପ ମହାପଞ୍ଚାୟତ’ ଆୟୋଜନ କରିଥିଲେ। କୁସ୍ତିରୁ ଅବସର ନେଇଥିବା ନିଷ୍ପତ୍ତିକୁ ପୁନବିର୍ଚାର କରିବାକୁ ଏହି ଖାପ ପଞ୍ଚାୟତ ଭିନେଶ ଫୋଗଟଙ୍କୁ ନିବେଦନ କରିଥିଲେ। ସାଙ୍ଗୱାନ ଖାପର ମୁଖ୍ୟ ସୋମବୀର ସାଙ୍ଗୱାନ କହିଛନ୍ତି ଯେ ଏହି ଘଟଣାର ଯାଞ୍ଚ ସୁପ୍ରିମକୋର୍ଟର ଜଣେ ବିଚାରପତିଙ୍କ ଦ୍ୱାରା କରାଯିବା ଉଚିତ ଏବଂ ଭିନେଶ ଫୋଗଟ ନ୍ୟାୟ ପାଇବା ଉଚିତ୍‌। ସେ ଏକ ଷଡଯନ୍ତ୍ରକୁ ମଧ୍ୟ ସୂଚାଇ ଦେଇଛନ୍ତି। ସେ ଏକ ପ୍ରଶ୍ନର ସ୍ବରରେ ପଚାରିଲେ, ହଠାତ୍‌ ଓଜନ କିପରି ବୃଦ୍ଧି ପାଇଲା। ତାଙ୍କ ସହିତ ଅନେକ ଲୋକ ଥିଲେ ଏବଂ ତାଙ୍କର ଓଜନ ବୃଦ୍ଧି ନହେବା ନିଶ୍ଚିତ କରିବା ସେମାନଙ୍କର ଦାୟିତ୍ୱ ଥିଲା । ଖାପଙ୍କ ଦାବିକୁ ପଢି ସାଙ୍ଗୱାନ କହିଛନ୍ତି ଯେ ଭିନେଶଙ୍କ ସଫଳତାକୁ ଦୃଷ୍ଟିରେ ରଖି ତାଙ୍କୁ ଭାରତ ରତ୍ନ ସମ୍ମାନରେ ସମ୍ମାନିତ କରାଯିବା ଉଚିତ୍‌।
    ସୋମବୀର ସାଙ୍ଗୱାନ ଆହୁରି ମଧ୍ୟ କହିଛନ୍ତି ଯେ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତିଥିବା ଜଣେ ମହିଳା ଖେଳାଳିଙ୍କୁ ଯାହା ମିଳେ ଏହି ସମସ୍ତ ସୁବିଧା ଭିନେଶଙ୍କୁ ପ୍ରଦାନ କରିବା ଉଚିତ୍‌। ଏହା ବ୍ୟତୀତ ସେ ଅବସର ନ ନେଇ କୁସ୍ତି ଜାରି ରଖିବାକୁ ବିନେଶ ଫୋଗଟଙ୍କୁ ନିବେଦନ କରିଥିଲେ। ଫୋଗାଟ ରାଜନୀତିରେ ପ୍ରବେଶ କରିବା ଉଚିତ କି ନୁହେଁ ପ୍ରଶ୍ନ ଉପରେ ସେ କହିଛନ୍ତି ଯେ ଏହା ତାଙ୍କ ଉପରେ ନିର୍ଭର କରେ।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    32 ° C
    32 °
    32 °
    24 %
    2.5kmh
    87 %
    Mon
    33 °
    Tue
    40 °
    Wed
    40 °
    Thu
    41 °
    Fri
    40 °

    ସମ୍ବନ୍ଧିତ