ଭୁବନେଶ୍ୱର : ଭୁବନେଶ୍ୱର ରେଳ ଷ୍ଟେସନ ଦେଇ ବାରମ୍ବାର ଚୋରା ଚାଲାଣ ହେଉଛି ଗଞ୍ଜେଇ। ରାଜ୍ୟ ବାହାରକୁ ଚାଲାଣ ବେଳେ ଧରାପଡ଼ୁଛି ଆନ୍ତଃରାଜ୍ୟ ଲିଙ୍କ୍। ଦୁଇ ଦିନ ତଳେ ଭୁବନେଶ୍ୱରରୁ ମୁମ୍ବାଇ ଗଞ୍ଜେଇ ଚାଲଣ ବେଳେ ଧରିଥିଲା GRP ପୋଲିସ । ଆଜି ପୁଣି ଭୁବନେଶ୍ୱର ଷ୍ଟେସନରୁ ବାହାର ରାଜ୍ୟକୁ ଗଞ୍ଜେଇ ଯାଉଥିଲା। ସୂଚନା ପାଇ ଅବକାରୀ ବିଭାଗ ଓ RPFର ମିଳିତ ଚଢ଼ାଉ କରିଥିଲେ।
ଜବତ କରିଥିଲେ ୩୦ କିଲୋ ଗଞ୍ଜେଇ। ଦୁଇ ଆନ୍ତଃରାଜ୍ୟ ଗଞ୍ଜେଇ ଚାଲାଣକାରୀ ଧରା ପଡ଼ିଛନ୍ତି। ଗିରଫ ଅଭିଯୁକ୍ତ ହେଲେ ଉତ୍ତରପ୍ରଦେଶ କନୌଜ ଜିଲ୍ଲା ସାହିଆପୁରର ୨୯ ବର୍ଷୀୟ ଅଜବ ସିଂହ ଓ ୨୩ ବର୍ଷୀୟ ଉପେନ୍ଦ୍ର ସିଂହ। ଏମାନେ ଏବେ ଦିଲ୍ଲୀରେ ରହୁଥିଲେ। ଗଞ୍ଜେଇ କେଉଁଠୁ ଆସୁଛି, କାହା ପାଖକୁ ଯାଉଛି ଏବଂ ନେଟୱର୍କ ପଛରେ ଆଉ କିଏ ଅଛନ୍ତି ସେନେଇ ଆରମ୍ଭ ହୋଇଛି ତଦନ୍ତ।
