ମଝି ସମୁଦ୍ରରେ ଫୁଟିଲା ଗୁଳି

କେନ୍ଦ୍ରାପଡ଼ା :ଓଡିଶାର କେନ୍ଦ୍ରାପଡ଼ା ଜିଲ୍ଲାର ଏକମାତ୍ର ଅଭୟାରଣ୍ୟ ଗହୀରମଥା ସାମୁଦ୍ରିକ ଅଭୟାରଣ୍ୟରେ କିଛି ମତ୍ସ୍ୟଜୀବୀ ବେଆଇନ୍ ଭାବେ ମାଛ ଧରୁଥିଲେ ।ଏହି ସମୟରେ ପାଟ୍ରୋଲିଂ କରୁଥିବା ବନ ବିଭାଗ କର୍ମଚାରୀଙ୍କ ହାବୁଡ଼ରେ ପଡ଼ିଥିଲେ ।ତିନିଟି ଟ୍ରଲର ସହ ୮ ଜଣ ମତ୍ସ୍ୟଜୀବୀଙ୍କୁ କାବୁ କରିଥିଲା ବନ ବିଭାଗ । ନିଜ ସାଥୀଙ୍କ ଛଡ଼ାଇବା ପାଇଁ ମାଛ ମାଫିଆ ବନବିଭାଗ କର୍ମଚାରୀଙ୍କ ଘେରି ସେମାନଙ୍କ ଉପରକୁ ସଂଘବଦ୍ଧ ଆକ୍ରମଣ କରିଥିଲେ ।ସେମାନେ ଗୁଳି ଫୁଟାଇ ଜବରଦସ୍ତ ୮ ଜଣ ମତ୍ସ୍ୟଜୀବୀଙ୍କୁ ବନ କର୍ମଚାରୀଙ୍କ କବଳରୁ ଛଡ଼ାଇନେଇଥିଲେ ।