ମଦ୍ୟପ ପୁଅକୁ ଛୁରି ଭୁସି ହତ୍ୟା କଲା ବାପା

ବାଲିଗୁଡ଼ା: ବାଲିଗୁଡ଼ା ଥାନା ଅନ୍ତର୍ଗତ ସିଂଗମିଲା ଗାଁରେ ଏକ ଅଭବନୀୟ ଘଟଣା ସାମ୍ନାକୁ ଆସିଛି । ଏଠାରେ ଜଣେ ବାପା ନିଜ ଜନ୍ମ କଲା ପୁଅକୁ ହତ୍ୟା କରିଛି । ହତ୍ୟାପରେ ଅଭିଯୁକ୍ତ ବାପାକୁ ଥାନାରେ ଅଟକ ରଖାଯାଇଛି । ଅଭିଯୁକ୍ତ ବାପାଙ୍କ କହିବାନୁଯାୟୀ, ତାଙ୍କ ପୁଅ ମଦ ପିଇ ଘରେ ଉତ୍ପାତ କରୁଥିଲା । ଘରେ ଥିବା ଜିନିଷ ପତ୍ର ଫିଙ୍ଗାଫିଙ୍ଗି କରୁଥିଲା । ଏହି ସମୟରେ ତାଙ୍କୁ ସମସ୍ତେ ଅଟକାଇବାକୁ ଚେଷ୍ଟା କରୁଥିଲେ ।ହେଲେ ସେ ଏହାକୁ ଅମାନ୍ୟ କରିବାରୁ ବାପା କ୍ରୋଧିତ ହୋଇ ଛୁରୀରେ ପୁଅକୁ ଭୁସି ହତ୍ୟା କରିଥିଲେ । ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ ଚଳାଇଛି ।