ମହାନଦୀକୁ ଡେଇଁ ନବ ବିବାହିତାଙ୍କ ଆତ୍ମହତ୍ୟା ଉଦ୍ୟମ, ଉଦ୍ଧାର ପରେ ମେଡିକାଲରେ ଭର୍ତ୍ତି

ସୁବର୍ଣ୍ଣପୁର : ମହାନଦୀକୁ ଡେଇଁ ନବ ବିବାହିତାଙ୍କ ଆତ୍ମ ହତ୍ୟା ଉଦ୍ୟମ ।  କୌଣସି କାମରେ ସୁବର୍ଣ୍ଣପୁର ଜିଲ୍ଲା କଇଁଫୁଲ ଗାଁର ନବ ବିବାହିତା ମହିଳା ସୋନପୁରକୁ ଆସି ମହାନଦୀ ବ୍ରିଜ଼ ଆଡ଼କୁ ଆସିଥିଲେ  l   ବ୍ରିଜ୍ ଉପରୁ ନଦୀକୁ ଡେଇଁ ପଡ଼ିଥିଲେ l  ସେଠାରେ ଗାଧୋଉଥିବା କିଛି ଲୋକ ତୁରନ୍ତ ଅଗ୍ନିଶମ ବିଭାଗକୁ ଖବର ଦେଇଥିଲେ  l  ଅଗ୍ନିଶମ କର୍ମଚାରୀମାନେ ପହଞ୍ଚି ମହାନଦୀରୁ ମହିଳାଙ୍କୁ ଉଦ୍ଧାର କରି ସୋନପୁର ମେଡିକାଲରେ ଭର୍ତ୍ତି କରିଥିଲେ ।  କେଉଁ କାରଣରୁ ସେ ଆତ୍ମହତ୍ୟା ଉଦ୍ୟମ କରିଥିଲେ ଜଣାପଡ଼ି ନାହିଁ  l ବର୍ତ୍ତିମାନ ଯୁବତୀ ଜଣକ ସୁସ୍ଥ ଥିବା ଜଣାଯାଇଛି  l