ନୂଆଦିଲ୍ଲୀ : କଂଗ୍ରେସ ନେତ୍ରୀ ମୀନାକ୍ଷୀ ନଟରାଜନଙ୍କୁ ସୁପ୍ରିମକୋର୍ଟରୁ ଝଟକା । ସୁପ୍ରିମ କୋର୍ଟ ମୀନାକ୍ଷୀ ନଟରାଜନଙ୍କ ଯାଚିକାକୁ ଖାରଜ କରିଛନ୍ତି । ସୁପ୍ରିମକୋର୍ଟ କହିଛନ୍ତି, ଏହି ମାମଲାରେ ମୀନାକ୍ଷୀ ନଟରାଜନ ହାଇକୋର୍ଟ ଯାଇପାରିବେ । ସୁପ୍ରିମକୋର୍ଟ କହିଛନ୍ତି, ଏହି ମାମଲା ଶୁଣାଣିର ଯୋଗ୍ୟ ନୁହେଁ ।
ଏହାପୂର୍ବରୁ ସୁପ୍ରିମକୋର୍ଟରେ ମୀନାକ୍ଷୀ ନଟରାଜନଙ୍କ ତରଫରୁ ବରିଷ୍ଠ ଓକିଲ ଅଭିଷେକ ମନୁ ସିଂଘଭୀ ପକ୍ଷର ରଖିଥିଲେ । ମଧ୍ୟ ପ୍ରଦେଶ ରାଜ୍ୟସଭା ନିର୍ବାଚନରେ କଂଗ୍ରେସ ନେତ୍ରୀ ମୀନାକ୍ଷୀ ନଟରାଜନଙ୍କ ନାମାଙ୍କନକୁ ଖାରଜ କରାଯାଇଥିଲା । ପ୍ରାର୍ଥିପତ୍ର ନାକଚକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟ ଯାଇଥିଲେ ମୀନାକ୍ଷୀ ।
ସୁପ୍ରିମକୋର୍ଟଙ୍କ ଅବକାଶକାଳୀନ ଖଣ୍ଡପୀଠ କହିଛନ୍ତି, ସମ୍ବିଧାନର ଧାରା ୩୨୯ ଅନୁଯାୟୀ, ନିର୍ବାଚନ ପ୍ରକ୍ରିୟା ଆରମ୍ଭ ହେବା ପରେ କୋର୍ଟ ଏଥିରେ ହସ୍ତକ୍ଷେପ କରିପାରିବେ ନାହିଁ । ଯଦି ପ୍ରାର୍ଥିପତ୍ର ନାକଚ ହୁଏ, ତେବେ ନିର୍ବାଚନ ଶେଷ ହେବା ପରେ ‘ଇଲେକ୍ସନ ପିଟିସନ’ ଦାଖଲ କରିବା ହିଁ ଏକମାତ୍ର ଆଇନଗତ ରାସ୍ତା । ତେଲଙ୍ଗାନାରେ ତାଙ୍କ ବିରୋଧରେ ଥିବା ବିଚାରାଧୀନ ମାମଲା ବିଷୟରେ ସେ ନିଜ ଶପଥପାଠରେ ସମ୍ପୂର୍ଣ୍ଣ ତଥ୍ୟ ଦେଇନଥିବାରୁ ରିଟର୍ଣ୍ଣିଂ ଅଫିସର ତାଙ୍କ ପ୍ରାର୍ଥିପତ୍ର ନାକଚ କରିଥିଲେ। କଂଗ୍ରେସ ନେତ୍ରୀ ମୀନାକ୍ଷି ନଟରାଜନ କହିଛନ୍ତି, ଏହା ବ୍ୟକ୍ତିଗତ ଝଟକା ନୁହେଁ । ଭାରତର ସମ୍ବିଧାନ ଓ ଗଣତନ୍ତ୍ର ପ୍ରତି ଏହା ଏକା ଧକ୍କା । ସୁପ୍ରିମକୋର୍ଟ ଆବେଦନର ଶୁଣାଣି କରିବାର ଥିଲା ବୋଲି ସେ କରିଛନ୍ତି ।
