କେନ୍ଦୁଝର : କେନ୍ଦୁଝରରେ ପହଞ୍ଚିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଜିଠାରୁ ମୁଖ୍ୟମନ୍ତ୍ରୀଙ୍କ ୨ଦିନିଆ କେନ୍ଦୁଝର ଗସ୍ତ ଆରମ୍ଭ ହୋଇଛି । ଭୁବନେଶ୍ଵରରୁ ବାହାରି ରାଇସୁଆଁ Air Strip ରେ ଦିନ ୧୦ଟା ରେ ମୁଖ୍ୟମନ୍ତ୍ରୀ ପହଞ୍ଚିଛନ୍ତି । ସେଠାରୁ ସଡ଼କ ପଥରେ ଯାଇ Circuit House ରେ ପହଞ୍ଚିଛନ୍ତି । Circuit House ରୁ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଏଠାରେ ୩ଟି ଆମ୍ବୁଲାନସ୍, ମାତାରିଣୀ ନଡ଼ିଆ ସଂଗ୍ରହ ଗାଡ଼ି ଓ ଏକଲ ଶିକ୍ଷା ରଥର ଶୁଭ ଉଦଘାଟନ କରିଛନ୍ତି ।
ଏହାପରେ ଦରବାର ହଲ୍ ରେ ଜିଲ୍ଲାସ୍ତରୀୟ ସମୀକ୍ଷା ବୈଠକରେ ଯୋଗ ଦେଇଛନ୍ତି ମୁଖ୍ୟମନ୍ତ୍ରୀ । ଅପରାହ୍ନ ୩ଟାରେ କେନ୍ଦୁଝର ଷ୍ଟାଡିୟମ୍ ରେ ସାହାଣୀ କପ୍ ଫୁଟବଲ୍ ଫାଇନାଲ୍ ମ୍ୟାଚରେ ମୁଖ୍ୟ ଅତିଥି ରୂପେ ଯୋଗ ଦେବେ ମୁଖ୍ୟମନ୍ତ୍ରୀ । ସେଠାରେ ସନ୍ଧ୍ୟା ୫ ଟା ଯାଏ ରହି ୫ ଟା ୧୦ ମିନିଟ୍ ରେ Circuit House ଫେରି ରାତ୍ରୀ ଯାପନ କରିବେ । ଏହାପରେ ଆସନ୍ତାକାଲି ଦିନ ୨ଟା ୧୫ ମିନିଟ୍ ରେ ରାଇସୁଆଁ Air Strip ରୁ ଭୁବନେଶ୍ଵର ଫେରିଯିବାର ରହିଛି କାର୍ଯ୍ୟକ୍ରମ ।
