ଆଇନଗତ ବିବାଦ ଯୋଗୁଁ ଅଭିନେତା ରାଜପାଲ ଯାଦବ ଚର୍ଚ୍ଚାରେ ରହିଛନ୍ତି । ଚେକ୍ ବାଉନ୍ସ ମାମଲାରେ ଅଭିନେତାଙ୍କୁ ଜେଲ୍ ଯିବାକୁ ପଡିଥିଲା । ରାଜପାଲ ଯାଦବଙ୍କ ପରେ ଏବେ ଅମିଷା ପଟେଲ ମଧ୍ୟ ସମାନ ମାମଲା ପାଇଁ ଶିରୋନାମାରେ ରହିଛନ୍ତି । ୨୦୧୭ର ଏକ ଚେକ୍ ବାଉନ୍ସ ମାମଲାର ଶୁଣାଣି ଫେବୃଆରୀରେ ୧୬ ତାରିଖରେ ହେବାର ଥିଲା । କିନ୍ତୁ ଅମିଷା ପଟେଲ କୋର୍ଟରେ ହାଜର ହୋଇନଥିଲେ । ଯାହାଦ୍ବାରା ତାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରାଯାଇଥିଲା । ଏବେ ସମ୍ପୂର୍ଣ୍ଣ ମାମଲାର ପ୍ରତିକ୍ରିୟା ରଖିଛନ୍ତି ଅମିଷା ।
ଅମିଷା ପଟେଲ ଇନଷ୍ଟାଗ୍ରାମର ଏକ ଷ୍ଟୋରୀରେ ଏକ ପୋଷ୍ଟ ସେୟାର କରି କହିଛନ୍ତି ଯେ, ‘‘ମୋରାଦାବାଦରେ ପବନ ବର୍ମା କାର୍ଯ୍ୟାନୁଷ୍ଠାନ ନେଇଥିବା ଗଣମାଧ୍ୟମ ରିପୋର୍ଟରୁ ସୂଚନା ମିଳୁଛି । ମୁଁ ସମସ୍ତଙ୍କୁ ଜଣାଇବାକୁ ଚାହୁଁଛି ଯେ ଏହି ମାମଲା ବହୁତ ପୁରୁଣା ଏବଂ ବର୍ଷ ବର୍ଷ ପୂର୍ବରୁ ସମାଧାନ ହୋଇଥିଲା । ପବନ ବର୍ମା ଏକ ସମାଧାନ ଡିଡ୍ ରେ ସିଗ୍ନେଚର କରିଥିଲେ ଏବଂ ସମ୍ପୂର୍ଣ୍ଣ ରାଜି ହୋଇଥିବା ରାଶି ପାଇଥିଲେ । ସମାଧାନ ସତ୍ତ୍ୱେ, ସେ ମିଥ୍ୟା ଅଭିଯୋଗ ଲଗାଇ ମୋ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି । ତେଣୁ, ମୋର ଓକିଲମାନେ ଏବେ ତାଙ୍କର ମିଥ୍ୟା ଅଭିଯୋଗର ପର୍ଦ୍ଦାଫାସ କରିବା ପାଇଁ ତାଙ୍କ ବିରୋଧରେ ଠକେଇ ପାଇଁ ଅପରାଧୀ କାର୍ଯ୍ୟକାରୀ ମାମଲା ଆରମ୍ଭ କରୁଛନ୍ତି । ମୁଁ ମୋ କାମରେ ଧ୍ୟାନ ଦେବାକୁ ପସନ୍ଦ କରେ ଏବଂ ଏପରି ଲୋକଙ୍କୁ ମୁଁ ଧ୍ୟାନ ଦିଏନି ଯେଉଁମାନେ ମିଛ ବାହାନା କରି ସମସ୍ତଙ୍କ ଧ୍ୟାନ ଆକର୍ଷଣ କରିବାକୁ ଚେଷ୍ଟା କରନ୍ତି ।”
ଏହି ମାମଲା ଇଭେଣ୍ଟ ଆୟୋଜକ ପବନ ବର୍ମାଙ୍କ ଅଭିଯୋଗରୁ ଆରମ୍ଭ ହୋଇଥିଲା । ଅମିଷାଙ୍କ ନଭେମ୍ବର ୧୬ ୨୦୧୭ ମସିହାରେ ଏକ ବିବାହ କାର୍ଯ୍ୟକ୍ରମରେ ପରଫର୍ମ କରିବାକୁ ନିଯୁକ୍ତ କରାଯାଇଥିଲା ଏବଂ ଅଗ୍ରୀମ ୧୪.୫୦ ଲକ୍ଷ ଟଙ୍କା ତାଙ୍କୁ ଦିଆଯାଇଥିଲା ବୋଲି ବର୍ମା ଅଭିଯୋଗ କରିଥିଲେ । କିନ୍ତୁ ଅଭିନେତ୍ରୀ ସେହି କାର୍ଯ୍ୟକ୍ରମରେ ଯୋଗ ଦେଇପାରିନଥିଲେ । ଅମିଷା ସମସ୍ତ ଟଙ୍କା ଫେରାଇଦେବାକୁ ପ୍ରତିଶ୍ରୁତି ଦେଇଥିଲେ । କିନ୍ତୁ ଅଭିନେତ୍ରୀ ଟଙ୍କା ଫେରାଇନଥିବା ବର୍ମା ଦାବି କରିଛନ୍ତି ।
ମୋରାଦାବାଦର ଜୁନିୟର ଡିଭିଜନ ଙ୍କ କୋର୍ଟ ମାମଲାର ଶୁଣାଣି ପାଇଁ ଅନେକ ଥର ସମନ ଜାରି କରିଥିଲେ, କିନ୍ତୁ ଅମିଷା ହାଜର ହୋଇ ନଥିଲେ । ତେଣୁ କୋର୍ଟ ଅଭିନେତ୍ରୀଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଛନ୍ତି। ଅଭିନେତ୍ରୀଙ୍କ ବିରୋଧରେ ଶୁଣାଣି ମାର୍ଚ୍ଚ ୨୭ ତାରିଖରେ ସ୍ଥିର ହୋଇଥିବା ଜଣାପଡ଼ିଛି । ୨୦୨୩ ମସିହାରେ ମଧ୍ୟ ୨୦୧୮ର ଏକ ଚେକ୍ ବାଉନ୍ସ ମାମଲା ସହିତ ଜଡିତ ରାଞ୍ଚି ସିଭିଲ୍ କୋର୍ଟରେ ଆତ୍ମସମର୍ପଣ କରିଥିଲେ । ଅମିଷା ବ୍ୟବସାୟୀ ଅଜୟ କୁମାର ସିଂଙ୍କୁ ଭେଟିଥିଲେ । ଅମିଷା ତାଙ୍କ ଫିଲ୍ମର ଆର୍ଥିକ ସହାତା ସମ୍ପର୍କରେ ମଧ୍ୟ ଆଲୋଚନା କରିଥିଲେ । ସେ ଫିଲ୍ମ ପାଇଁ ଟଙ୍କା ଲଗାଇଥିଲେ କିନ୍ତୁ ଫିଲ୍ମ ରିଲିଜ୍ ହୋଇନଥିଲା । ଯାହାଫଳରେ ସେ ଟଙ୍କା ଫେରସ୍ତ ଦାବି କରିଥିଲେ । ସେ ଚେକ୍ ଦ୍ବାରା ୨.୫ କୋଟି ଟଙ୍କା ଫେରାଇଥିଲେ । ହେଲେ ଚେକଟି ବାଉନ୍ସ ହୋଇଥିଲା । ଯାହା ତାଙ୍କୁ ଆତ୍ମସମର୍ପଣ କରିବାକୁ ବାଧ୍ୟ କରିଥିଲା ।
ଯଦି ତାଙ୍କ କ୍ୟାରିଅର୍ କଥା କୁହାଯାଏ ତେବେ ୨୦୨୩ ମସିହାରେ “ଗଦର ୨” ସହିତ ଅମିଷା ପଟେଲ ବଡ଼ ପରଦାକୁ ପୁଣି ଫେରିଥିଲେ । ସନି ଦେଓଲ ଏବଂ ଉତ୍କର୍ଷ ଶର୍ମା ଅଭିନୀତ ଏହି ଫିଲ୍ମଟି ବ୍ଲକଟେର ହୋଇଥିଲା । ସେ ୨୦୨୪ ମସିହାରେ “ତୌବା ତେରା ଜଲୱା” ରେ ମଧ୍ୟ ନଜର ଆସିଥିଲେ ।
