ବର୍ଷାଦିନ ପାଇଁ ଆମକୁ ଥଣ୍ଡା ଲାଗିଥାଏ । ଫଳରେ ଆମେ ମୋଜା ପିନ୍ଧିଥାଉ । ମୋଜା ପିନ୍ଧିବାର ଅନେକ ଲାଭ ରହିଥିବାବେଳେ ଅନେକ ସମୟରେ କ୍ଷତି ମଧ୍ୟ ହୋଇଥାଏ । ବର୍ତ୍ତମାନ କିଛି ଲୋକ ଏହାକୁ ଅଭ୍ୟାସରେ ପକାଇ ଦେଇଥିବାବେଳେ ଆଉ କିଛି ଲୋକଙ୍କୁ ମୋଜା ପିନ୍ଧିବା ପସନ୍ଦ ନଥାଏ । ତେବେ ଆଜି ଆମେ ଶୋଇବା ସମୟରେ ମୋଜା ପିନ୍ଧିବାର ଲାଭ ଏବଂ କ୍ଷତି ସମ୍ପର୍କରେ ଜାଣିବା । ଅଧିକାଂଶ ଲୋକ ଶୋଇବାବେଳେ ମୋଜା ପିନ୍ଧିବାକୁ ପସନ୍ଦ କରିନଥାନ୍ତି । କିନ୍ତୁ ମୋଜା ପିନ୍ଧିବାର ଅନେକ ଲାଭ ହୋଇଥାଏ । ଯାହା ସ୍ବାସ୍ଥ୍ୟ ପାଇଁ ବହୁତ ଫଳପ୍ରଦ ବୋଲି ଜଣାପଡିଛି । ରାତିରେ ମୋଜା ପିନ୍ଧି ଶୋଇବାରେ କ’ଣ ସବୁ ଫାଇଦା ହୋଇଥାଏ ତେବେ ଆସନ୍ତୁ ଜାଣିବା ।
ଶରୀର ପାଇଁ ନିଦର ଆବଶ୍ୟକତା ରହିଛି । ଯାହା ଅନେକ ଲୋକଙ୍କ ପାଇଁ ଏହା ଚିନ୍ତା ବିଷୟ ହୋଇଛି । ଏଥିରୁ ମୁକ୍ତି ପାଇବା ପାଇଁ ଡାକ୍ତରମାନେ ଖାଇବା ଏବଂ ପିଇବା ଉପରେ ପରାମର୍ଶ ଦେଇଥାନ୍ତି । କିନ୍ତୁ ଆପଣ କେବେ ମୋଜା ପିନ୍ଧି ଶୋଇବାକୁ ଚେଷ୍ଟା କରିଛନ୍ତି କି? ତେବେ ଥରେ ନିଶ୍ଚିତ ଭାବରେ ଚେଷ୍ଟା କରନ୍ତୁ ।
ଯେଉଁମାନେ ରାତିରେ ମୋଜା ପିନ୍ଧି ଶୋଇଥାନ୍ତି ସେମାନଙ୍କର ଅନିଦ୍ରା ସମସ୍ୟା କମ୍ ହୋଇଥାଏ । ନିଦ ସମସ୍ୟାକୁ ଗୋଟିଏ ଚୁଟକିରେ ଗାଏବ କରିଦେଇଥାଏ ।
ମୋଜା ପିନ୍ଧି ଶୋଇବା ଦ୍ବାରା ରକ୍ତ ସଞ୍ଚାଳନକୁ ଉନ୍ନତ କରିଥାଏ । ଯାହା ରକ୍ତ ସଞ୍ଚାଳନ ଉନ୍ନତ କରିବା ସହିତ ହାର୍ଟ, ଫୁସଫୁସ୍ ଏବଂ ମାଂସପେଶୀକୁ ଶକ୍ତିଶାଳୀ କରେ । ରାତିରେ ମୋଜା ପିନ୍ଧି ଶୋଇବା ରକ୍ତବାହୀ ନଳୀ ପ୍ରକ୍ରିୟା ପାଇଁ ଲାଭଦାୟକ ହୋଇଥାଏ । ଏଥି ସହିତ ପରିୟଡର୍ସ ସମୟରେ ରାତିରେ ମୋଜା ପିନ୍ଧି ଶୋଇବା ଦ୍ବାରା କଷ୍ଟରୁ ଆରାମ ମିଳିଥାଏ ।
ଗୋଡ଼ ଫାଟୁଥିବାକୁ ନେଇ ଚିନ୍ତାରେ ରହିଛନ୍ତି କି ? ତେବେ ମୋଜା ପିନ୍ଧିବାର ଅଭ୍ୟାସ କରନ୍ତୁ । ଯାହା ଗୋଡ଼ ଫାଟିବାକୁ କମ୍ କରିବା ସହିତ ପାଦକୁ ନରମ କରିଥାଏ । ପାଦକୁ ନରମ ରଖିବାର ଏହା ହେଉଛି ସରଳ ଉପାୟ । ମୋଜା ପିନ୍ଧିବାର ଯେମିତି ଲାଭକାରୀ ଗୁଣ ରହିଛି ଠିକି ସେହିପରି ଭାବେ ଏହାର କ୍ଷତିକାରକ ଗୁଣ ମଧ୍ୟ ରହିଛି । ତେବେ ବର୍ତ୍ତମାନ ଏହାର କ୍ଷତି ସମ୍ପର୍କରେ ଆସନ୍ତୁ ଜାଣିବା ।
ଅନେକ ସମୟରେ ମୋଜା ପିନ୍ଧିବା ଦ୍ବାରା କିଛି ଲୋକଙ୍କର ପାଦ ଗରମ ହୋଇଯାଏ । ଯାହା ପରବର୍ତ୍ତୀ ସମୟରେ ସମସ୍ୟା ସୃଷ୍ଟି କରିପାରେ । ଯେମିତିକି ଝାଳ ବାହାରିବା ଏବଂ ପାଦ କୁଣ୍ଡାଇ ହେବା ଭଳି ସମସ୍ୟା ଦେଖିବାକୁ ମିଳିଥାଏ । ମୋଜା ପିନ୍ଧିବା ଦ୍ବାରା ପାଦରେ ପବନ ନ ବାଜିବାରୁ କିଛି ଲୋକଙ୍କୁ ନିଶ୍ବାସ ନେବାରେ କଷ୍ଟ ହୋଇଥାଏ ।
ଆଉ କିଛି ଲୋକ ମୋଜା ପିନ୍ଧିବା ଦ୍ବାରା ତାଙ୍କୁ ଅନକଫର୍ଟେବୁଲ ଅନୁଭବ ହୋଇଥାଏ । ଯାହା ଫଳରେ ମୋଜା ପିନ୍ଧିବା ଦ୍ବାରା ଆରାମର ଅଭାବ ସୃଷ୍ଟି କରିପାରେ । ତେଣୁ, ଆପଣ ଆପଣଙ୍କ ଆରାମ ସ୍ତର ଅନୁସାରେ ମୋଜା ପିନ୍ଧିବାକୁ ନିଷ୍ପତ୍ତି ନେବା ଉଚିତ ।
