ହିନ୍ଦୁ ଧର୍ମରେ ରୋଷେଇ ଘରକୁ ଘରର ଏକ ମୁଖ୍ୟ ବୋଲି ବିବେଚନା କରାଯାଏ । ରୋଷେଇ ଘରକୁ ସକାରାତ୍ମକ ଶକ୍ତିର କେନ୍ଦ୍ର ମଧ୍ୟ କୁହାଯାଇଥାଏ । ଦେବୀ ଅନ୍ନପୂର୍ଣ୍ଣା ରୋଷେଇ ଘରେ ବାସ କରନ୍ତି ବୋଲି ବିଶ୍ୱାସ କରାଯାଏ । ମା ଲକ୍ଷ୍ମୀଙ୍କ ଅନ୍ୟ ନାମ ଅନ୍ନପୂର୍ଣ୍ଣା । ଦେବୀ ଅନ୍ନପୂର୍ଣ୍ଣାଙ୍କ ଆଶୀର୍ବାଦ ଥିଲେ ଘରେ କେବେବି ଖାଦ୍ୟ କିମ୍ବା ଟଙ୍କାର ଅଭାବ ହୋଇନଥାଏ । ତେଣୁ,କିଛି ଜିନିଷ ଉପରେ ଧ୍ୟାନ ଦେବା ଉଚିତ୍ । ନଚେତ୍ ମା ଅନ୍ନପୂର୍ଣ୍ଣା କୋପ କରିପାରନ୍ତି । ରୋଷେଇ ଘର ସହିତ ଜଡିତ ଥିବା ଏହି ଭୁଲଗୁଡ଼ିକୁ ଆଦୌ କରନ୍ତୁ ନାହିଁ । ତେବେ ଆସନ୍ତୁ କେଉଁ ସବୁ ଭୁଲ୍ କରିବା ଉଚିତ୍ ନୁହେଁ ସେ ସମ୍ପର୍କରେ ଜାଣିବା ।
ରୋଷେଇ ଘରେ କେବେବି ଭଙ୍ଗା କାଚ କିମ୍ବା ଫଟା ବାସନ ବ୍ୟବହାର କରନ୍ତୁ ନାହିଁ । ଯାହା ଦାରିଦ୍ର୍ୟ କରିଦେଇଥାଏ । ଖାଦ୍ୟର ଦେବୀ ଅନ୍ନପୂର୍ଣ୍ଣା ରୋଷେଇ ଘରେ ବାସ କରନ୍ତି, ତେଣୁ ରୋଷେଇ ଘରେ କେବେବି ଜୋତା କିମ୍ବା ଚପଲ ପିନ୍ଧନ୍ତୁ ନାହିଁ। ରୋଷେଇ ଘରକୁ କେବେ ହେଲେ ମଧ୍ୟ ସମ୍ପୂର୍ଣ୍ଣ ଭାବେ ଅନ୍ଧାର କରନ୍ତୁ ନାହିଁ ।
ଏଥି ସହିତ ବାସ୍ତୁ ଶାସ୍ତ୍ରରେ, ଅଗ୍ନି ଏବଂ ପାଣିକୁ ପରସ୍ପରର ଶତ୍ରୁ ବୋଲି ବିବେଚନା କରାଯାଏ । ତେଣୁ, ରୋଷେଇ ଘରେ କେବେବି ସିଙ୍କ୍ ଏବଂ ଚୁଲିକୁ ସାମ୍ନା ସାମ୍ନି ରଖନ୍ତୁ ନାହିଁ । ଏହି ଘରେ କେବେବି ଔଷଧ ରଖିବା ଉଚିତ୍ ନୁହେଁ । ଯାହାଦ୍ବାରା ଏହା ପରିବାରର ସଦସ୍ୟଙ୍କ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପକାଇଥାଏ ।
କେଉଁ କାମ କରିବା ଉଚିତ୍:
ଆପଣଙ୍କ ରୋଷେଇ ଘରର ଏକ କୋଣରେ ଏକ କାଚ ପାତ୍ରରେ କିଛି ସିଧା ଲୁଣ ରଖନ୍ତୁ । ଏହା ଘର ଏବଂ ରୋଷେଇ ଘର ଉଭୟରୁ ନକାରାତ୍ମକ ଶକ୍ତି ଦୂର କରିବ । ରୋଷେଇ କରିବା ସମୟରେ ଗ୍ୟାସ ଚୁଲାକୁ ଏପରି ଏକ ଦିଗରେ ରଖନ୍ତୁ ଯାହା ଦ୍ଵାରା ଆପଣ ପୂର୍ବ ଦିଗକୁ ମୁହଁ କରି ରୋଷେଇ କରିପାରିବେ । ଯାହା ପରିବାରର ସ୍ୱାସ୍ଥ୍ୟ ଭଲ ରଖିବା ସହିତ ଘରକୁ ସୁଖ ସମୃଦ୍ଧି ଆଣେ ।
ସବୁବେଳେ ପ୍ରଥମ ରୁଟି ଗାଈକୁ ଖାଇବାକୁ ଦିଅନ୍ତୁ । ଯାହା ପୂର୍ବପୁରୁଷଙ୍କ ଅଭିଶାପ ଏବଂ ଅନ୍ୟାନ୍ୟ ଗ୍ରହ ପ୍ରଭାବକୁ ଶାନ୍ତ କରିବାରେ ସାହାଯ୍ୟ କରିବ । ଏହି କାମ କଲେ ଘରେ ଦେବୀ ଲକ୍ଷ୍ମୀଙ୍କ ଆଶୀର୍ବାଦ ମଧ୍ୟ ନିଶ୍ଚୟ ମିଳିବ ।
ଶେଷରେ ରାତିରେ ଶୋଇବା ପୂର୍ବରୁ ରୋଷେଇ ଘର ସଫା କରନ୍ତୁ ଏବଂ ସିଙ୍କରେ ମଇଳା ବାସନ ରଖନ୍ତୁ ନାହିଁ ।
