ଭୁବନେଶ୍ବର : ବିଳମ୍ବିତ ରାତିରେ ପିଜି ହଷ୍ଟେଲରେ ଦୃର୍ବୁତ୍ତ ଖେଳାଇଲା ଆତଙ୍କ । ଲେଡିସ୍ ହଷ୍ଟେଲରେ ଦୃର୍ବୁତ୍ତର ନାରକୀୟ କାଣ୍ଡ । ଗେଟ୍ ଡେଇଁବା ସହ ସିକ୍ୟୁରିଟି ଗାର୍ଡକୁ ଚକମା ଦେଇ ବିଲଡିଂରେ ପଶିଥିଲା ଦୁବୃର୍ତ୍ତ । ପ୍ରଥମ ମହଲାରେ ସୋଇଥିବା ଯୁବତୀଙ୍କୁ ଟଣାଓଟରା କଲା ଦୃର୍ବୁତ୍ତ । ନିଦ ଭାଙ୍ଗି ଯିବାରୁ ପାଟି କରି ଚିଲ୍ଲେଇଲେ ଯୁବତୀ । ବିଲ୍ଡିଙ୍ଗର ଅନ୍ୟ ରୁମ୍ ଗୁଡ଼ିକୁ ବାହାର ପଟୁ ବନ୍ଦ୍ କରିଦେଇଥିଲା ଦୃର୍ବୁତ୍ତନ।
କବାଟ ବନ୍ଦ ଥିବାରୁ ବାହାରକୁ ଆସି ପାରିଲେନି ଅନ୍ତେବାସୀ । ବାଥରୁମରେ ଥିବା ରୁମ୍ ମେଟ୍ ଆସି ଯିବାରୁ ବର୍ତିଲେ ଯୁବତୀ । ଦୃର୍ବୁତ୍ତକୁ କାବୁ କରିବାକୁ ଯାଇ ଧସ୍ତାଧସ୍ତି ବେଳେ ଖଣ୍ଡିଆ ଖାବରା ହେଲେ ଦୁଇ ଯୁବତୀ । ପରେ ଧାରୁଆ ଅସ୍ତ୍ର ଦେଖାଇବା ସହ ଏକାଧିକ ଲୋକଙ୍କୁ ଆହତ କରି ଫେରାର ହୋଇଛି ଯୁବକ । ଭୟରେ ଠେଙ୍ଗା ବାଡି ଧରି ରାତିରେ ପହରା ଦେଲେ ହଷ୍ଟେଲ ଅନ୍ତେବାସୀ । ଶୈଳଶ୍ରୀ ବିହାର ଅଞ୍ଚଳରେ ଘଟିଛି ଘଟଣା । ଯୁବତୀଙ୍କ ଅଭିଯୋଗ ପରେ ଘଟଣା ସ୍ଥଳରେ ପୋଲିସର ତଦନ୍ତ ଆରମ୍ଭ ହୋଇଛି । ସିସିଟିଭି ଯାଞ୍ଚ୍ ସହ ହଷ୍ଟେଲ ମାଲିକଙ୍କୁ କରୁଛି ପଚରାଉଚରା ଚନ୍ଦ୍ରଶେଖରପୁର ଥାନା ପୋଲିସ ।
