ସଫଳ ହେବା ପ‌ରେ ମା’ଙ୍କୁ ଏହି ଉପହାର ଦେଲେ ମୋନାଲିସା

ନୂଆଦିଲ୍ଲୀ: ମହାକୁମ୍ଭରେ ମାଳ ବିକ୍ରି କରିବାକୁ ଆସିଥିବା ମୋନାଲିସା ନିଜ ଆଖି ପାଇଁ ରାତାରାତି ଇଣ୍ଟରନେଟ୍ ସେନସେସନ୍ ପାଲଟିଯାଇଥିଲେ। ଗୋଟିଏ ଫଟୋ ଏବଂ ଭିଡିଓ ତାଙ୍କ ଜୀବନ ଉପରେ ଏପରି ପ୍ରଭାବ ପକାଇଥିଲା ଯାହା କେହି ସ୍ୱପ୍ନରେ ମଧ୍ୟ କଳ୍ପନା କରିନଥିଲେ। ଲୋକମାନେ ତାଙ୍କୁ କୁମ୍ଭରେ ଏତେ ହଇରାଣ କରିବା ଆରମ୍ଭ କରିଦେଇଥିଲେ ଯେ ତାଙ୍କୁ ସେଠାରୁ ଲୁଚି ଲୁଚି  ଘରକୁ ଫେରିବାକୁ ପଡିଥିଲା। ହେଲେ ଚଳଚ୍ଚିତ୍ର ନିର୍ମାତା ସନୋଜ ମିଶ୍ର ତାଙ୍କୁ ଖୋଜି ତାଙ୍କ ଘରକୁ ଆସିଥିଲେ ଏବଂ ତାଙ୍କୁ ଏକ ଚଳଚ୍ଚିତ୍ର ଅଫର କରିଥିଲେ। ଏହି ଫିଲ୍ମ ନିର୍ମାତାଙ୍କ ବିଶେଷତ୍ୱ ​​ହେଉଛି ଯେ ସେ ମୋନାଲିସାଙ୍କୁ କେବଳ ଏକ ଫିଲ୍ମର ଅଫର ଦେଇନାହାନ୍ତି ବରଂ ତାଙ୍କୁ ହିରୋଇନ ଭାବେ ପ୍ରସ୍ତୁତ କରୁଛନ୍ତି। କେତେବେଳେ ସେ ନିଜେ ମୋନାଲିସାଙ୍କୁ ଶିଖାଉଥିବାର ଦେଖାଯାଉଛି ତ, ଆଉ କେତେବେଳେ ମୋନାଲିସା ନିଜେ ଶିଖିବାକୁ ଚେଷ୍ଟା କରୁଥିବାର ଦେଖାଯାଉଛି। ଏହି ସମୟରେ, ମୋନାଲିସାଙ୍କ ଏକ ନୂତନ ଭିଡିଓ ଇନଷ୍ଟାରେ ଭାଇରାଲ ହେବାରେ ଲାଗିଛି। ମୋନାଲିସା ୨୦ଘଣ୍ଟା ପୂର୍ବେ ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଥିଲେ। ଏହି ଭିଡିଓରେ ମୋନାଲିସା ତାଙ୍କ ମାଆଙ୍କ ସହ ବସିଛନ୍ତି। ତ‌ାଙ୍କ ହାତରେ ଏକ ଚେନ ଥିବା ଦେଖାଯାଉଛି। ସେ କହୁଛନ୍ତି, “ଦେଖ, ମୋ ମା’ ଆଜି ମୋତେ ଭେଟିବାକୁ ଆସିଛନ୍ତି। ମୁଁ ତାଙ୍କ ପାଇଁ ଏକ ଉପହାର ଆଣିଛି। ଏହା ପରେ, ମୋନାଲିସା ତାଙ୍କ ମାଆଙ୍କୁ ଏକ ଚେନ୍ ପିନ୍ଧାଇ ଦେଉଛନ୍ତି ଏବଂ କହୁଛନ୍ତି ଯେ, ମୋ ମା’ ମୋ ପାଇଁ ସବୁକିଛି।”