ସମୟ ବଦଳିବା ସହିତ ମଣିଷମାନେ ମଧ୍ୟ ପରିବର୍ତ୍ତନ ହେଉଛନ୍ତି । ଖାଇବା ପିଇବାକୁ ନେଇ ଅନେକ ପରିବର୍ତ୍ତନ ମଧ୍ୟ ଦେଖିବାକୁ ମିଳୁଛି । ସୁସ୍ଥ ରହିବା ପାଇଁ ହେଲେ ସୁସ୍ଥକର ଖାଦ୍ୟ ଆବଶ୍ୟକ ହୋଇଥାଏ । ଯଦି ସୁସ୍ଥ ଶରୀର ଗଠନ କରିବାକୁ ତେବେ ହେଲଦି ଖାଦ୍ୟ ଖାଆନ୍ତୁ । ଶରୀର ସୁସ୍ଥ ରହିଲେ ଆମକୁ ଫୂର୍ତ୍ତି ଅନୁଭବ ହୋଇଥାଏ । ସେଥିପାଇଁ ପ୍ରାୟତଃ ଲୋକମାନେ ଜିମ୍ ଯାଆନ୍ତି ତ ଆଉ ପୁଣି କିଏ ଖାଇବାରେ ପରିବର୍ତ୍ତନ ଆଣିଥାଆନ୍ତି । ତେଣୁ ପନିପରିବାଠାରୁ ଆରମ୍ଭ କରି ଫଳମୂଳ ପର୍ଯ୍ୟନ୍ତ ସମସ୍ତ ଜିନିଷ ଆମ ଉତ୍ତମ ସ୍ବାସ୍ଥ୍ୟ ପାଇଁ ଆବଶ୍ୟକ ହୋଇଥାଏ ।
ପ୍ରତ୍ୟେକ ଋତୁରେ ଭିନ୍ନ ଭିନ୍ନ ପନିପରିବା ଏବଂ ଫଳମୂଳ ମିଳିଥାଏ । ଯାହା ଆମ ସୁସ୍ଥ ଶରୀର ଗଠନ କରିବାରେ ସାହାଯ୍ୟ କରିଥାଏ । ଆମ ଶରୀର ପାଇଁ ପ୍ରତ୍ୟେକ ଖାଦ୍ୟ ଆବଶ୍ୟକ ହୋଇଥାଏ । ତେଣୁ ଋତୁ ଅନୁଯାୟୀ ମିଳୁଥିବା ଫଳ ଖାଇଲେ ଅନେକ ଶାରୀରିକ ସମସ୍ୟାକୁ ଦୂରେଇ ଦେଇଥାଏ । ସେହି ସବୁ ପନିପରିବା ଏବଂ ଫଳମୂଳ ମଧ୍ୟରୁ ଡ୍ରାଗନଫ୍ରୁଟ୍ ଅନ୍ୟତମ । ଯାହା ଖୁବ୍ ଦାମୀ ସତ କିନ୍ତୁ ଅନେକ ସମସ୍ୟାକୁ ଚୁଟକିରେ ଗାଏବ କରି ଦେଇଥାଏ । ତେବେ ଆସନ୍ତୁ ଏହାର ଲାଭକାରୀ ଗୁଣ ସମ୍ପର୍କରେ ଜାଣିବା ।
ଡ୍ରାଗନ୍ ଫ୍ରୁଟ୍ ହେଉଛି ଲୋ କ୍ୟାଲୋରି ସୁପରଫୁଡ୍ , ଯାହା ଫାଇବର , ଭିଟାମିନ୍ ଓ ଆଣ୍ଟି ଅକ୍ସିଡାଣ୍ଟରେ ଭରା । ଏହା ମହଙ୍ଗା ହୋଇଥିବାରୁ ଇଚ୍ଛା ଥିଲେ ବି ଏହାକୁ କିଣିବାକୁ ଲୋକେ ପସନ୍ଦ କରନ୍ତି ନାହିଁ । ଏହା ସହିତ ଏଥିରେ ଫାଇବର , ଭିଟାମିନ୍ ସି, କ୍ୟାଲସିୟମ୍, ମ୍ୟାଗ୍ନେସିୟମ୍, ଆଇରନ୍ ପରି ପୋଷକ ତତ୍ତ୍ବ ରହିଛି । ଏହା ସୁପରଫୁଡ୍ ଭାବେ କାର୍ଯ୍ୟକାରୀ କରିଥାଏ । ଏହାକୁ ଖାଇବା ଦ୍ବାରା କେଉଁ ସମସ୍ୟାକୁ ଦୂର କରିଥାଏ ଆଜି ଆମେ ଆପଣଙ୍କୁ ସେ ସମ୍ପର୍କରେ ଜଣାଇବୁ ।
ଡ୍ରାଗନ୍ ଫ୍ରୁଟରେ ଭିଟାମିନ୍ ସି ଓ ଆଣ୍ଟିଅକ୍ସିଡାଣ୍ଟ ଭରପୁର ମାତ୍ରାରେ ଥାଏ । ଯାହା ରୋଗ ପ୍ରତିରୋଧକ ଶକ୍ତିକୁ ବଢ଼ାଇବା ସହ ଥଣ୍ଡା, କାଶ ଭଳି ସମସ୍ୟାଠାରୁ ରକ୍ଷା କରିଥାଏ । ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ କରିବା ପାଇଁ ଆପଣମାନେ ଏହି ଫଳକୁ ଖାଇପାରିବେ । ଏଥିରେ ଥିବା ଫାଇବର ହଜମ ପ୍ରକ୍ରିୟାକୁ ତୀବ୍ର କରିବା ସହ ବଦହଜମି ସମସ୍ୟାରୁ ଦୂରେଇ ରଖେ ।
ଡ୍ରାଗନ୍ ଫ୍ରୁଟ୍ ହାର୍ଟ ପାଇଁ ରାମବାଣ ହୋଇଥାଏ । ଏଥିରେ ଥିବା ଲାଭକାରୀ ଗୁଣ ଯୋଗୁଁ କୋଲେଷ୍ଟ୍ରଲକୁ ନିୟନ୍ତ୍ରଣ କରିଥାଏ । ଫଳରେ ହୃଦଘାତର ଆଶଙ୍କାକୁ କମ୍ କରିଥାଏ । ଏଥିରେ କ୍ୟାଲସିୟମ୍ ଓ ମ୍ୟାଗ୍ନେସିୟମ ଥିବାରୁ ଏହା ହାଡକୁ ମଜଭୁତ କରିବା ସହ ଅଷ୍ଟିଓପୋରୋସିସ୍ ଭଳି ସମସ୍ୟାରୁ ଦୂରେଇ ରଖେ ।
ଏତିକି ନୁହେଁ ବରଂ ଏହା ଖାଇବା ଦ୍ବାରା କ୍ୟାନସର ଭଳି ମାରାତ୍ମକ ରୋଗ ପାଇଁ ପ୍ରଭାବଶଳୀ ହୋଇଥାଏ । ଏଥିରେ ଗ୍ଲାଇସେମିକ୍ ଇଣ୍ଡେକ୍ସ କମ୍ ଥିବାରୁ ଡାଇବେଟିସ୍ ପାଇଁ ମଧ୍ୟ ଫଳପ୍ରଦ । ତେଣୁ ଏହା ଡାଇବେଟିସ୍ ରୋଗୀଙ୍କ ପାଇଁ ବେଷ୍ଟ ହୋଇଥାଏ ।
ଯଦି ଏହି ସବୁ ସମସ୍ୟାର ସମ୍ମୁଖୀନ ହେଉଛନ୍ତି ତେବେ ଡ୍ରାଗନ୍ ଫ୍ରୁଟ୍କୁ ଆପଣଙ୍କ ଖାଇବା ଲିଷ୍ଟରେ ଆଡ୍ କରିପାରିବେ ନିଶ୍ଚୟ । ଯାହା ଆପଣଙ୍କ ସମସ୍ୟାକୁ ଦୂର କରିପାରିବ ।
