ସେବାୟତଙ୍କୁ ପିଟିଲେ ବିଦେଶୀ ପର୍ଯ୍ୟଟକ

ପୁରୀ ଶ୍ରୀମନ୍ଦିରରେ ପୁଣି ବିଦେଶୀ ପର୍ଯ୍ୟଟକଙ୍କୁ ନେଇ ଏକ ଅଘଟଣ ଘଟିଯାଇଛି । ଶ୍ରୀମନ୍ଦିରରେ ସେବାୟତଙ୍କୁ ପିଟିଛନ୍ତି ବିଦେଶୀ ପର୍ଯ୍ୟଟକ । ସେବାୟତ ହରିହରଙ୍କ ମୁଣ୍ଡରେ ଲାଗିଛି ଗଭୀର ଆଘାତ ।ତାଙ୍କୁ ସଦର ହସ୍ପିଟାଲରେ ଭର୍ତ୍ତି କରାଯାଇଛି । ପ୍ରବେଶ ବାରଣ କରିବାକୁ ଏହି ଆକ୍ରମଣ ହୋଇଥିବା ଅଭିଯୋଗ ହୋଇଛି । ଏହି ବିଦେଶୀ ପର୍ଯ୍ୟଟକଙ୍କୁ ଧରି ସିଂହଦ୍ୱାର ପୋଲିସ ଥାନାରେ ଅଟକ ରଖିଛି । ବିଦେଶୀ ନାଗରିକ ୟୁକେର ହୋଇଥିବା ସୂଚନା । କଡା ସୁରକ୍ଷା ସତ୍ତ୍ୱେ ବିଦେଶୀଙ୍କ ପ୍ରବେଶ ନେଇ ପ୍ରଶ୍ନ ଉଠୁଛି । ଏହି ଘଟଣାରେ ଏବେ ସିସିଟିଭି ଫୁଟେଜ୍ ଆଧାରରେ ଯାଞ୍ଚ ଜାରି ରହିଛି ।