ସୋମବାରରୁ ଥଣ୍ଡାରୁ ମୁକ୍ତି ପାଇବ ଓଡ଼ିଶା

ଭୁବନେଶ୍ୱର: ରାଜ୍ୟରେ ଆସନ୍ତା ସୋମବାରରୁ ଶୀତ କମିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ପାରଦ ବୃଦ୍ଧି ପାଇବା ସହ ଥଣ୍ଡାର ପରିମାଣରେ ହ୍ରାସ ହେବ ବୋଲି ପାଣିପାଗ ବିଭାଗ କହିଛି।ଆସନ୍ତା ସୋମବାରରୁ ସର୍ବନିମ୍ନ ତାପମାତ୍ରା ପ୍ରାୟ ୨ରୁ ୩ ଡଗ୍ରୀ ପର୍ଯ୍ୟନ୍ତ ବୃଦ୍ଧି ହୋଇପାରେ। ଫଳରେ ରାଜ୍ୟର ବିଭିନ୍ନ ସ୍ଥାନରେ ଥଣ୍ଡାର ପରିମାଣ କମ୍ ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।ଆସନ୍ତା ୨୪ ଘଣ୍ଟାରେ କୌଣସି ପରିବର୍ତ୍ତନ ହେବାର ସମ୍ଭାବନା ନାହିଁ। ସୋମବାରରୁ ପାରଦ ବଢିବା ସହ ଜାଡ଼ରୁ ମୁକ୍ତି ପାଇପାରେ ଓଡ଼ିଶା। ଲଗାତାର କିଛି ଦିନରୁ ବିଭିନ୍ନ ସହରରେ ଥଣ୍ଡାର ପରିମାଣ ଖୁବ ଅଧିକ ଅନୁଭୂତ ହୋଇଛି।