ଅକ୍ଷୟ କୁମାରଙ୍କ ଫିଲ୍ମ ସ୍କାଏ ଫୋର୍ସ ଏହିବର୍ଷ ରିଲିଜି ହେବାକୁ ଯାଉଛି । ଏହି ଫିଲ୍ମ ଜାନୁୟାରୀ ୨୬ରେ ସିନେମାହଲରେ ରିଲିଜ ହେବ । ଏହି ଫିଲ୍ମରେ ଥିବା ଟ୍ରେଲର ଓ ଗୀତ ରିଲିଜ ହୋଇ ସାରିଛି । ଏହାକୁ ନେଇ ଖୁବ ଚର୍ଚ୍ଚା ଶୁଣିବାକୁ ମିଳିଛି । କୁହାଯାଉଛି କି ସ୍କାଏ ଫୋର୍ସକୁ ଦେଖିଲା ପରେ ଅକ୍ଷୟଙ୍କ ଫ୍ଲପ ଟ୍ୟାଗ ହଟିଯାଇପାରେ । ଏହି ଫିଲ୍ମରେ ଆଡାଭାନ୍ସ ବୁକିଙ୍ଗ କରି କୋଟି ଟଙ୍କା ଆୟ କରିସାରିଛି ।
ସ୍କାଏ ଫୋର୍ସ ଏକ ସତ୍ୟ ଘଟଣା କୁ ନେଇ ପ୍ରସ୍ତୁତ କରାଯାଇଛି । ଯେଉଁଥିରେ ଅକ୍ଷୟ କୁମାର ଏବଂ ବୀର ପାହାଡିଆ ଇଣ୍ଡିଆନ ଏୟାର ଫୋର୍ସରେ ଥିବା ପାଇଲଟଙ୍କ ଭୂମିକାରେ ନଜର ଆସିବେ । ଫିଲ୍ମର କାହାଣୀ ୧୯୬୫ ମସିହାରେ ହୋଇଥିବା ଭାରତ ଓ ପାକିସ୍ଥାନ ମଧ୍ୟରେ ହୋଇଥିବା ଯୁଦ୍ଧକୁ ନେଇ ଫିଲ୍ମଟିକୁ ତିଆରି କରାଯାଇଛି ।
୨୬ ଜାନୁୟାରୀ ରେ ଅକ୍ଷୟ ଏକ ଚମତ୍କାର ଫିଲ୍ମକୁ ନେଇ ଦର୍ଶକଙ୍କ ପାଖରେ ପହଞ୍ଚିବେ । ଆସନ୍ତୁ ଜାଣିବା ଫିଲ୍ମଟି ଆଡଭାନ୍ସ ବୁକିଙ୍ଗରେ କେତେ ଟଙ୍କା ଆୟ କରିଛି । ଅକ୍ଷୟ କୁମାରଙ୍କ ସ୍କାଏ ଫୋର୍ସ ଆଡଭାନ୍ସ ବୁକିଙ୍ଗରେ ପ୍ରଥମ ଦିନରେ ହିଁ ଭଲ ଆୟ କରିବାରେ ସଫଳ ହୋଇଛି । ସ୍କାଏ ଫୋର୍ସ ର ପ୍ରଥମ ଦିନ ରୁ ଆଜି ପର୍ଯ୍ୟନ୍ତ ୭୬୪୮୬ ଟି ଟିକେଟ ବିକ୍ରି ହୋଇ ସାରିଛି ।
ଫିଲ୍ମଟି ବ୍ଲକ ସିଟ ସହିତ ୨.୯୫ କୋଟି ଟଙ୍କା ଆୟ କରିସାରିଛି । ଆସୁଥିବା ଆଗାମୀ ଦିନରେ ସ୍କାଏ ଫୋର୍ସ କୋଟିକୋଟି ଟଙ୍କା ଆୟ କରିବାକୁ ଯାଉଛି । ବର୍ତମାନ ଏହି ନମ୍ବର ବଢିବାକୁ ଯାଉଛି । ଏହା ୭ କୋଟି ଆୟ କରିବ ବୋଲି ଚର୍ଚ୍ଚା କରାଯାଉଛି । ଜାନୁୟାରୀ ୨୬ ଜାତୀୟ ଛୁଟି ଦିବସରେ ଏହି ଫିଲ୍ମଟି ରିଲିଜ ହେବାଦ୍ବାରା ଏହା ଫିଲ୍ମ ପାଇଁ ଫାଇଦା ହୋଇପାରେ ବୋଲି ଶୁଣିବାକୁ ମିଳୁଛି ।
