ଘଟଗାଁ: ହୁ ହୁ ହୋଇ ଜଳିଗଲା ୧୬ ଚକିଆ ଟ୍ରକ । ଜାତୀୟ ରାଜପଥ ଉପରେ ଲୁହାପଥର ବୋଝେଇ ୧୬ ଚକିଆ ଟ୍ରକ ଜଳି ପାଉଁଶ । କଳିଙ୍ଗ ନଗର ଟାଟା ଷ୍ଟିଲକୁ ଯାଉଥିବା ବେଳେ ଘଟଗାଁ ଠାରୁ ୨ କିଲୋମିଟର ଦୂର ବାଲିଯୋଡ଼ି ନିକଟରେ ହଠାତ ଟ୍ରକରେ ନିଆଁ ଲାଗିଯାଇଥିଲା ।
ଡ୍ରାଇଭର ଟ୍ରକ ମିରରରେ ନିଆଁ ଦେଖି ଗାଡ଼ିକୁ ଅଟକାଇଥିଲେ। ରାସ୍ତାକଡ଼ରେ ଗାଡ଼ିକୁ ଅଟକାଇ ନିଆଁ ଲିଭାଇବାକୁ ଚେଷ୍ଟା କରିଥିଲେ । ଖବରପାଇ ଅଗ୍ନିଶମ ବିଭାଗ ପହଞ୍ଚି ଦୀର୍ଘ ସମୟ ପରେ ନିଆଁକୁ ଆୟତ୍ତ କରିଥିଲେ । ପୋଲିସ ପହଞ୍ଚି ତଦନ୍ତ ଚଳାଇଛି । ସର୍ଟସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି ।
