ଭଦ୍ରକ : ଜିଲ୍ଲାରେ ହୋମଗାର୍ଡ ନିଯୁକ୍ତିକୁ ସମ୍ପୂର୍ଣ୍ଣ ସ୍ବଚ୍ଛତା ସହ କରାଯିବା ନେଇ ଦୃଢ଼ ପ୍ରତିଶ୍ରୁତି ଦେଇଛନ୍ତି ଭଦ୍ରକ ଜିଲ୍ଲା ଏସପି । ଏନେଇ X ଜରିଆରେ ସଚେତନ କରାଇଛନ୍ତି ଏସପି । କୌଣସି ଦଲାଲ ଚୟନ ପ୍ରକ୍ରିୟାକୁ ପ୍ରଭାବିତ କରାପାରିବେ ନାହିଁ ବୋଲି ଜିଲ୍ଲା ପୁଲିସ ପକ୍ଷରୁ ସୂଚନା ଦିଆଯାଇଛି ।
ଚାକିରି ପାଇବା ଆଶାରେ ଅସାଧୁ ବ୍ୟକ୍ତିଙ୍କ ମିଥ୍ୟା ପ୍ରତିଶ୍ରୁତିରେ ଭରସା କରନ୍ତୁ ନାହିଁ ବୋଲି ଏସପି ଉଲ୍ଲେଖ କରିଛନ୍ତି । କାହିଁକି ନା ଟଙ୍କା ବିନିମୟରେ ହୋମଗାର୍ଡ ଚାକିରି ଯୋଗାଡ କରିଦେବେ ବୋଲି କହିବୁଲୁଛନ୍ତି ଅସାଧୁ ଦଲାଲ ।
ଏନେଇ ଜିଲ୍ଲା ପୁଲିସ ପକ୍ଷରୁ ହେଲ୍ପ ଲାଇନ ନମ୍ବର ଜାରିକରାଯାଇଛି । ଯିଏ ବି ଚାକିରି କରାଇଦେବା ନାଁରେ ଟଙ୍କା ମାଗନ୍ତି ତେବେ ତୁରନ୍ତ ନିକଟସ୍ଥ ଥାନା କିମ୍ବା ହେଲ୍ପ ଲାଇନ ନମ୍ବରରେ ଜଣାଇବାକୁ ପ୍ରାର୍ଥୀଙ୍କୁ ନିବେଦନ କରାଯାଇଛି । ହେଲ୍ପଲାଇନ ନମ୍ବର ହେଲା – 9438916370, 9437018644, 9438916604, 06784-242035, 06784-251100
