୧୨ରୁ ବଢ଼ିବ ଶୀତ। ଉପାନ୍ତରୁ ଉପକୂଳ ସବୁଠି ୨ରୁ ୪ ଡିଗ୍ରୀ ପାରଦ କମିବ । ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ୧୧ ତାରିଖ ଯାଏଁ ରାଜ୍ୟରେ କମ୍ ଶୀତ ଅନୁଭୂତ ହେବ । ଆସନ୍ତାକାଲି ଠାରୁ ଅଧିକାଂଶ ସ୍ଥାନରେ ରାତି ତାପମାତ୍ରା୨ ରୁ ୪ ଡିଗ୍ରୀ କମିପାରେ ବୋଲି ଆକଳ କରାଯାଇଛି ।
୧୨ ତାରିଖ ଯାଏ ଉପକୂଳ ଓଡି଼ଶା ଓ ଦକ୍ଷିଣ ଓଡି଼ଶାର କିଛି ସ୍ଥାନରେ ସ୍ବଳ୍ପ ବର୍ଷା ହେବାର ସମ୍ଭାବନା ରହିଛି । ୧୨ରୁ ୧୯ ତାରିଖ ମଧ୍ୟରେ ଆଦୌ ବର୍ଷା ହେବ ନାହିଁ । ପାଗ ସମ୍ପୁର୍ଣ୍ଣ ଶୁଖିଲା ରହିବ । ୬ରୁ ୧୨ ତାରିଖ ଯାଏ ପଶ୍ଚିମ ଓଡି଼ଶା ଏବଂ ଉତ୍ତର ଓଡି଼ଶାରେ ରାତି ତାପମାତ୍ରା ୧୦ରୁ ୧୪ ଡିଗ୍ରୀ ସେଲସିୟସ୍ ମଧ୍ୟରେ ରହିପାରେ ।
ଉପକୂଳ ଓ ଦକ୍ଷିଣ ଓଡିଶାରେ ରାତି ତାପମାତ୍ରା ୧୪ ରୁ ୧୮ ଡିଗ୍ରୀ ମଧ୍ୟରେ ରହିବ। ୧୩ ରୁ ୧୯ ମଧ୍ୟରେ ରାଜ୍ୟରେ ରାଜ୍ୟରେ ରାତି ତାପମାତ୍ରା ଖସିବ । ସର୍ବନିମ୍ନ ତାପମାତ୍ରା ୧୦ ରୁ ୧୪ ଡିଗ୍ରୀ ମଧ୍ୟରେ ରହିପାରେ ।
