ନବରଙ୍ଗପୁର : ୧୨ ବର୍ଷ ପରେ ମିଳିଲା ନିଖୋଜ ନାବାଳିକାର ସନ୍ଧାନ । ଏବେ ସେ ସାବାଳିକା ଓ ତିନି ସନ୍ତାନର ଜନନୀ । ହରିଆଣାର ଏକ ଗାଁରେ ଗୃହବନ୍ଦୀ ହୋଇ ରହିଥିବା ନେଇ ପରିବାରବର୍ଗଙ୍କୁ ଜଣାଇବା ପରେ ଉଦ୍ଧାର ପାଇଁ ଗୁହାରୀ କଲେ ପରିବାର । ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଚଚରାଗୁଡ଼ା ଗାଁରୁ ଆସିଛି ଏଭଳି ଖବର । ୧୨ ବର୍ଷ ତଳେ ଜଣେ ନାବାଳିକା ବର୍ଷ ତଳେ ନିଖୋଜ ହୋଇଯାଇଥିଲା ।
ନାବାଳିକାକୁ ଚାକିରି ଓ ବିଭିନ୍ନ ପ୍ରଲୋଭନ ଦେଖାଇ କଳାହାଣ୍ଡି ଜିଲା ବିରୁମୁହାଣ ଗାଁର ଜଣେ ଯୁବତୀ ସାଥିରେ ନେଇଯାଇ ପରେ ହରିୟାଣାରେ ବିକି ଦେଇଥିଲେ । ଏବେ ସେ ହରିଆଣାର ଚରଖିଦାଦରୀ ଜିଲ୍ଲାର ହର୍ଡିଦି ଗାଁରେ ରହୁଛନ୍ତି । ବଡ଼ କଷ୍ଟରେ ତାଙ୍କ ଭାଇର ମୋବାଇଲ ନମ୍ବର ପାଇ ଫୋନରେ ଘଟଣା ସମ୍ପର୍କରେ ଜଣାଇଥିଲା ।
ଏବେ ସେ ନିଜ ଘରକୁ ଫେରିବାକୁ ଚାହୁଁଥିବା ନେଇ ଜଣାଇଛି । ଝିଅ ନିଜେ ଘରକୁ ଫେରିଆସିବାକୁ ଇଚ୍ଛା ପ୍ରକାଶ କରିଥିବାରୁ ତାଙ୍କୁ ସୁରକ୍ଷିତ ଭାବେ ଫେରାଇ ଆଣିବାକୁ ପାଇଁ ମାଆ ଓ ବାପା ପୋଲିସ ପ୍ରଶାସନଙ୍କୁ ନିବେଦନ କରିଛନ୍ତି । ଡାବୁଗାଁ ଥାନାରେ ଏନେଇ ଅଭିଯୋଗ କରିବା ସହିତ କଳାହାଣ୍ଡି ଜିଲ୍ଲା ଆମ୍ବପାଣି ଥାନାରେ ମଧ୍ୟ ଅଭିଯୋଗ କରାଯିବ ।
