ନୂଆଦିଲ୍ଲୀ: ଦୁନିଆର ସବୁଠୁ ବଡ ନଦୀ ମଧ୍ୟରେ ଗଣାଯାଉଥିବା ଆମାଜନ ଶୁଖିବାରେ ଲାଗିଛି | ବର୍ତ୍ତମାନ ନଦୀ ୧୨୧ ବର୍ଷରେ ସବୁଠାରୁ ବଡ ଜଳାଭାବର ସମ୍ମୁଖୀନ ହୋଇଛି | ପରିସ୍ଥିତି ଏପରି ଯେ ଏହି ନଦୀର ଜଳ ବର୍ତ୍ତମାନ ଅତ୍ୟନ୍ତ ଗରମ ହୋଇଯାଇଛି। ଏହି ନଦୀର ତାପମାତ୍ରା ଆମ ଦେହର ତାପମାତ୍ରା ଠାରୁ ୨ ଡିଗ୍ରୀ ଅଧିକ ରହିଛି | ଏଭଳି ପରିସ୍ଥିତିରେ ଲକ୍ଷ ଲକ୍ଷ ଜଳ ପ୍ରାଣୀଙ୍କର ମୃତ୍ୟୁ ଘଟିଛି। ମୃତ୍ୟୁବରଣ କରିଥିବା ପଶୁମାନଙ୍କ ମଧ୍ୟରେ ୧୫୦ ଡଲଫିନ୍ ମଧ୍ୟ ଅଛନ୍ତି | ଆମାଜନ ନଦୀରେ ଏହି ପ୍ରକାର ଜଳାଭାବ ପରିବେଶବିତମାନଙ୍କ ପାଇଁ ମଧ୍ୟ ଏକ ବଡ଼ ଆହ୍ୱାନ | ଏବେ ପ୍ରଶ୍ନ ଉଠିଛି କି ଏହା କିଛି ବଡ ବିପଦର ସଙ୍କେତ କି? ଏବଂ ଏହି ବଡ ପରିବର୍ତ୍ତନର କାରଣ କ’ଣ?
୨୦୦୭ ର ଆଇପିସିସି ରିପୋର୍ଟରେ ଏହା ସ୍ପଷ୍ଟ ହୋଇଥିଲା ଯେ ଗ୍ଲୋବାଲ ୱାର୍ମିଂ ହେତୁ “ଏଲ୍ ନିନୋ ପରି ଅବସ୍ଥା” ବାରମ୍ବାର ଘଟିବ। ପୂର୍ବ ପ୍ରଶାନ୍ତ ମହାସାଗରରେ ଥିବା କେନ୍ଦ୍ରୀୟ ଏଲ୍ ନିନୋ ବର୍ତ୍ତମାନ ସମୁଦ୍ର ମଧ୍ୟଭାଗରେ ବ୍ୟାପିଛି | ଆଉ ଏହାର ପ୍ରଭାବରେ ଆମାଜନ ନଦୀର ତାପମାତ୍ରା ବଢିଛି ଆଉ ନଦୀ ଶୁଖିବାରେ ଲାଗିଛି | ବ୍ରାଜିଲ- ଭେନେଜୁଏଲା ସୀମାରେ ଅବସ୍ଥିତ ରୋରାଇମା ପ୍ରଦେଶ ସହିତ ଉତ୍ତର ଆମାଜନରେ ଏଲ୍ ନିନୋ ଭୟଙ୍କର ମରୁଡ଼ି ସୃଷ୍ଟି କରିଛି | ଏହା ସହ ଏହି ଅଂଚଳରେ ଥିବା ଜଙ୍ଗଲରେ ନିଆଁ ଲାଗିବା ସ୍ଥିତିକୁ ସଂଗୀନ କରିଦେଇଛି | ୧୯୮୨ର ଏଲ୍ ନିନୋ କାରଣରୁ ଆମାଜନରେ ଗଛ ନଷ୍ଟ ହେବା ସହିତ ଇଥିଓପିଆ ଏବଂ ପଡୋଶୀ ଆଫ୍ରିକୀୟ ଦେଶରେ ମରୁଡ଼ି ଯୋଗୁଁ ୨୦୦,୦୦୦ ରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା।
ଶୁଖିବାରେ ଲାଗିଛି ବିଶ୍ୱର ବଡ଼ ନଦୀ, ଚିନ୍ତାରେ ପରିବେଶବିତ
ଆଗକୁ ପଢନ୍ତୁ
