ଭଗବାନ ରାମ ଓ ହନୁମାନଙ୍କୁ ନେଇ ବିବାଦୀୟ ବୟାନ ଦେଲେ ଏ.ରାଜା, ଟାର୍ଗେଟ କଲା ବିଜେପି

ଚେନ୍ନାଇ: ତାମିଲନାଡୁରେ ଡିଏମକେ ନେତା ଏ.ରାଜା ଭଗବାନ ରାମ ଏବଂ ହନୁମାନ ଜୀଙ୍କୁ ନେଇ ବିବାଦୀୟ ବୟାନ ଦେଇଛନ୍ତି | ଡିଏମକେ ନେତା କହିଛନ୍ତି ଯେ ଭାରତ ଏକ ଦେଶ ନୁହେଁ। ସେ ଏହା ମଧ୍ୟ କହିଛନ୍ତି ଯେ ଏହା ଏକ ଉପମହାଦ୍ବୀପ । ରାଜା ହନୁମାନ ଜୀଙ୍କୁ ଏକ ମାଙ୍କଡ ସହିତ ତୁଳନା କରିଛନ୍ତି। ତେବେ ଏହା ପରେ ଏବେ ବିଜେପି ଇଣ୍ଡିଆ ମେଣ୍ଟାକୁ ଜୋରଦାର ଟାର୍ଗେଟ କରିଛି | ବିଜେପି ସାଂସଦ ରବି ଶଙ୍କର ପ୍ରସାଦ ଏ.ରାଜାଙ୍କ ମନ୍ତବ୍ୟକୁ ସମାଲୋଚନା କରି କହିଛନ୍ତି, “ଭାରତର ନୈତିକତାକୁ ସର୍ବସାଧାରଣରେ ଅପମାନିତ କରିବା ଏବଂ ହିନ୍ଦୁ ଦେବତାମାନଙ୍କୁ ଅପମାନ କରିବା ବିରୋଧୀମାନଙ୍କର ରାଜନୈତିକ ଏଜେଣ୍ଡାର ପରିଚୟ ପାଲଟିଛି। ସେ କହିଛନ୍ତି ଯେ ସୋନିଆ ଗାନ୍ଧୀ, ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଓ ମଲ୍ଲିକାର୍ଜୁନ୍ ଖଡ଼ଗେ, ଏହି ମନ୍ତବ୍ୟକୁ ସଠିକ୍ ବୋଲି ଭାବୁଛନ୍ତି କି? ପ୍ରଶ୍ନ କରିଛନ୍ତି | ବିଜେପି ନେତା ଦାବି କରିଛନ୍ତି ଯେ କଂଗ୍ରେସ ଏବଂ ଇଣ୍ଡିଆ ମେଣ୍ଟର ଦଳ ଡିଏମକେ ନେତାଙ୍କ ମନ୍ତବ୍ୟ ସହ ସହମତ କି ନାହିଁ ତାହା କହିବା ଉଚିତ୍। ରବିଶଙ୍କର ପ୍ରସାଦ ଆହୁରି କହିଛନ୍ତି, “ଭାରତର ପରିଚୟକୁ ବଦନାମ କରିବା ଏବଂ ଭାରତୀୟ ବିଶ୍ୱାସକୁ ଅପମାନ କରିବା ହେଉଛି ଇଣ୍ଡିଆ ମେଣ୍ଟର ଅଭ୍ୟାସ | ବାସ୍ତବରେ ଡିଏମକେ ନେତାଙ୍କ ଏହି ଭିଡିଓକୁ ସୋସିଆଲ ମିଡିଆରେ ବିଜେପି ନେତା ଅମିତ ମାଲଭିୟ ସେୟାର କରିଥିଲେ। ଏଥିରେ ଏ. ରାଜା ମଦୁରାଇରେ ଏକ ସାଧାରଣ ସଭାରେ କହିଥିଲେ, “ଭାରତ ଏକ ରାଷ୍ଟ୍ର ନୁହେଁ। ଏହାକୁ ଭଲ ଭାବେ ବୁଝନ୍ତୁ | ଭାରତ କେବେହେଲେ ରାଷ୍ଟ୍ର ହୋଇନଥିଲା। ଗୋଟିଏ ଦେଶର ଅର୍ଥ ଗୋଟିଏ ଭାଷା, ଗୋଟିଏ ପରମ୍ପରା ଏବଂ ଗୋଟିଏ ସଂସ୍କୃତି। ଭାରତ ଏକ ରାଷ୍ଟ୍ର ନୁହେଁ ବରଂ ଏକ ଉପମହାଦ୍ବୀପ । ସେ କହିଥିଲେ, ‘ଯଦି ଜୟ ଶ୍ରୀ ରାମ, ଭାରତ ମାତା କି ଜୟ ବୋଲି କୁହାଯାଉଛି ତେବେ ଆମେ ଏବଂ ତାମିଲନାଡୁ ଭାରତ ମାତା କି ଜୟ ଏବଂ ଜୟ ଶ୍ରୀ ରାମଙ୍କୁ କଦାପି ଗ୍ରହଣ କରିବୁ ନାହିଁ। ମୁଁ ରାମାୟଣରେ ବିଶ୍ୱାସ କରେ ନାହିଁ |