କଟକ : ପୁଣ୍ୟତୋୟା ବ୍ରାହ୍ମଣୀନଦୀ ତଟସ୍ଥ ପ୍ରାଚୀନ ମାଞ୍ଚ ମାର୍ଥାପୁର ଶାସନରେ ୧୯୫୦ ମସିହାରେ ପଦ୍ମଶ୍ରୀ ପଣ୍ଡିତ ଡକ୍ଟର ଅନ୍ତର୍ଯ୍ୟାମୀ ମିଶ୍ର ଜନ୍ମ ଗ୍ରହଣ କରିଥିଲେ। ହେଲେ ତାଙ୍କ ପରିଚୟ ସୁଦୀର୍ଘ ବ୍ରାହ୍ମଣୀ ପରି ଖୁବ ଲମ୍ବା। ତାରଙ୍ଗାୟିତ ନଦୀ ପରି ଜୀବନର ଅନେକ ମୋଡ଼ ଦେଇ ସେ ନିଜକୁ ପ୍ରତିଷ୍ଠିତ କରି ପାରିଛନ୍ତି। ପହିଲି ବର୍ଷାରେ ମାଟିର ମହକ ଯେମିତି ଜଣେ କବିର ମନକୁ ଆନ୍ଦୋଲିତ କରେ ଠିକ ସେହିପରି ଶ୍ରୀ ମିଶ୍ରଙ୍କ ପୁସ୍ତକ ଯେକେହି ପାଠକଙ୍କୁ ଆକୃଷ୍ଟ କରିବ। ତାଙ୍କ ଲେଖନୀରୁ ଅନେକ ପୁସ୍ତକ ଜନ୍ମ ନେଇଥିବା ବେଳେ ପୁଣି ତାଙ୍କ କଲମରୁ ଜନ୍ମ ନେଇଛି ଆଉ ଦୁଇ କାଳଜୟୀ ପୁସ୍ତକ। ପଦ୍ମଶ୍ରୀ ପଣ୍ଡିତ ଅନ୍ତର୍ଯ୍ୟାମୀ ମିଶ୍ରଙ୍କ ‘ଜୀବନାନୁଭୂତି’ ପୁସ୍ତକର ପାଠକାର୍ପଣ ଓ ‘ଅନନ୍ଯ ଅନ୍ତର୍ଯ୍ୟାମୀ’ ବୃତ୍ତଚିତ୍ର ପ୍ରଦର୍ଶନ କାର୍ଯ୍ୟକ୍ରମ ଶୁକ୍ରବାର କଟକ ସ୍ଥିତ ଶତାବ୍ଦୀ ଭବନରେ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମର ପ୍ରଥମ ପର୍ଯ୍ୟାୟ ଗତକାଲି ପୂର୍ବାହ୍ନ ୧୧ଟାରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ସ୍ବାଗତ ସମ୍ଭାଷଣ ଓ ଅତିଥି ଆବାହନ ଶରଣାରବିନ୍ଦ ଓଝା କରିଥିବା ବେଳେ ସରସ୍ଵତୀ ବନ୍ଦନା ଆଦ୍ଯାଶା ଓ ସୁଶ୍ରୀ ଅର୍ପିତାଙ୍କ ଦ୍ଵାରା ପରିବେଷଣ କରାଯାଇଥିଲା। ଏହି ଅବସରରେ ଚଳଚିତ୍ର ପ୍ରଯୋଜକ ନିର୍ଦେଶକ ପବିତ୍ର ନାୟକ ଉପସ୍ଥିତ ରହି ସୁଚିନ୍ତିତ ମତ ପ୍ରକାଶ କରିଥିଲେ। ସେହପରି ଦିବ୍ୟଦୂତ ପ୍ରକାଶନିର ପ୍ରଯୋଜକ ପ୍ରଭାଂଶୁ ସାମନ୍ତରାୟ ଏବଂ ଆଦିପ୍ରଭା କ୍ରିଏଟିଭସର ପ୍ରଯୋଜିକା ଜୀବନ ଜ୍ୟୋତ୍ସ୍ନା ସାମନ୍ତରାୟ ପରିଚାଳନା କରିଥିବାବେଳେ ସହଯୋଗ କରିଥିଲେ ବସନ୍ତ କୁମାର ନାୟକ, ଗଗନ ଗୋଛ।ୟତ ଏବଂ ପ୍ରଭୁପ୍ରସ।ଦ ସାହୁ। ଡ. ଅମିୟ ରଞ୍ଜନ ମହାପାତ୍ର ସଭା ଆରମ୍ଭ କରିଥିଲାବେଳେ ନ୍ୟାୟମୂର୍ତ୍ତି ଶଶିକାନ୍ତ ମିଶ୍ର ‘ଜୀବନାନୁଭୂତି’ ପୁସ୍ତକର ପାଠକାର୍ପଣ କରିଥିଲେ। ଏହି ଅବସରରେ ନ୍ୟାୟମୂର୍ତ୍ତି ଶଶିକାନ୍ତ ମିଶ୍ର ଅତିଥି ଅଭିଭାଷଣ ରଖିଥିଲେ। ଡକ୍ଟର ଅଜିତ କୁମାର ତ୍ରିପାଠୀ ମୁଖ୍ୟ ଅତିଥି ଭାବେ ଯୋଗଦାନ କରି ଜୀବନାନୁଭୂତି’ ପୁସ୍ତକ ସମ୍ପର୍କରେ ମତବ୍ୟକ୍ତ କରିଥିଲେ। ଜ୍ୟୋତିପ୍ରକାଶ ଦାସ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ। ସେହିପରି ତପନ କୁମାର ଶତପଥୀ ପୁସ୍ତକ ଉପରେ ମତ ବ୍ୟକ୍ତ କରିଥିଲେ। ଅନ୍ୟତମ ସମ୍ମାନନୀୟ ଅତିଥିଙ୍କ ପ୍ରକାଶକୀୟ ଅଭିବ୍ୟକ୍ତି ପ୍ରଭାଂଶୁ ସାମନ୍ତରାୟ କରିଥିବା ବେଳେ
ସଭାପତୀୟ ସମ୍ଭାଷଣ ଡ. ଅମିୟ ରଞ୍ଜନ ମହାପାତ୍ର ପ୍ରଦାନ କରିଥିଲେ। ମୁରଲୀଧର ସାମଲ ଡ. ଅମିୟ ରଞ୍ଜନ ମହାପାତ୍ର ଧନ୍ୟବାଦ ଦେଇଥିଲେ। ଅନ୍ୟପକ୍ଷରେ ଦ୍ୱିତୀୟ ସତ୍ର – ‘ଅନନ୍ଯ ଅନ୍ତର୍ଯ୍ୟାମୀ’ ବୃତ୍ତଚିତ୍ର ପ୍ରଦର୍ଶନ ଅନୁଷ୍ଠିତ ହୋଇଥିଲା। ପରିଚାଳନା କରିଥିଲେ ଶରଣାରବିନ୍ଦ ଓଝା।
ସୂଚନାଯୋଗ୍ୟ, ପୁଣ୍ୟତୋୟା ବ୍ରାହ୍ମଣୀନଦୀ ତଟସ୍ଥ ପ୍ରାଚୀନ ମାଞ୍ଚ ମାର୍ଥାପୁର ଶାସନରେ ୧୯୫୦ ମସିହାରେ ପଦ୍ମଶ୍ରୀ ପଣ୍ଡିତ ଡକ୍ଟର ଅନ୍ତର୍ଯ୍ୟାମୀ ମିଶ୍ର ଜନ୍ମ ଗ୍ରହଣ କରିଥିଲେ । ତାଙ୍କ ପିତା ସ୍ୱାଧନତା ସଂଗ୍ରାମୀ ତଥା ରାମାୟଣବିତ୍ ସ୍ଵର୍ଗୀୟ ସତ୍ୟବାଦୀ ମିଶ୍ର ଓ ମାତା ଶ୍ରୀମତୀ ଦୁର୍ଗାବତୀ ମିଶ୍ର । ଡକ୍ଟର ମିଶ୍ର କିଶୋର ବୟସରୁ ଆଧ୍ୟାତ୍ମିକ ଓ ସାରସ୍ବତ ସାଧନାରେ ନିମଗ୍ନ ରହି ଜଣେ ଉଚ୍ଚକୋଟିର ସାହିତ୍ୟିକ, ସ୍ତମ୍ଭକାର, ଗବେଷକ, ଭାଷାତତ୍ତ୍ବବିତ୍, ବାଗ୍ମୀ, ଆଧ୍ୟାତ୍ମିକ ପ୍ରବକ୍ତା, ତନ୍ତ୍ରାଚାର୍ଯ୍ୟ, ଜ୍ୟୋତିର୍ବିଦ ଓ ବାସ୍ତୁବିଜ୍ଞାନୀ ଭାବରେ ଓଡ଼ିଶା ଓ ଓଡ଼ିଶା ବାହାରେ ପ୍ରସିଦ୍ଧି ଅର୍ଜନ କରିଛନ୍ତି । ତାଙ୍କ ଲେଖନୀରୁ ଅଦ୍ୟାବଧୂ ପଇଁତିରିଶ ଖଣ୍ଡ ପୁସ୍ତକ ନିଃସୃତ । ତନ୍ମଧ୍ୟରୁ ଖଣ୍ଡିଏ ଭାରତ ସରକାର ଓ ଦଶଖଣ୍ଡ ଓଡ଼ିଶା ରାଜ୍ୟ ପାଠ୍ୟ ଠ୍ୟ ପୁସ୍ତକ ପ୍ରଣୟନ ଓ ପ୍ରକାଶନ ସଂସ୍ଥା ଦ୍ବା ଦ୍ୱାରା ପ୍ରକାଶିତ ହୋଇ ବିଶେଷ ପାଠକୀୟ ଆଦୃତ ଲାଭ କରିଅ କରିଅଛି । ତାଙ୍କ ରଚିତ ‘ଶ୍ରୀଜଗନ୍ନାଥସ୍ବ ଗନ୍ନାଥସ୍ବାମୀ’ ପୁସ୍ତକ କାନାଡ଼ା ଦେଶସୁ ଟିରେଣ୍ଟୋ ନଗରର ପ୍ରଭୃ ପ୍ରକାଶନୀ ଦ୍ୱାରା ପ୍ରକାଶିତ । ସୂଚନାଯୋଗ୍ୟ ଯେ, ଆଧ୍ୟାମ୍ବିକ ଓ ସାରସ୍ବତ ସାଧନା ନିମିତ୍ତ ଡକ୍ଟର ମିଶ୍ର ମହାମହିମ ରାଷ୍ଟ୍ରପତିଙ୍କଠାରୁ ପଦ୍ମଶ୍ରୀ ସମ୍ମାନ ଓ ଶାସ୍ତ୍ରୀୟଭାଷା ପୁରସ୍କାର, ସମ୍ମାନସୂଚକ ଡି.ଲିଟ୍, ସତ୍ୟବାଦୀ ପ୍ରବନ୍ଧ ପୁରସ୍କାର, ଝଙ୍କାର ପ୍ରବନ୍ଧ ପୁରସ୍କାର, ସହକାର ପ୍ରବନ୍ଧ ପୁରସ୍କାର, ରାଷ୍ଟ୍ରଦୀପ ପ୍ରବନ୍ଧ ପୁରସ୍କାର, ଶ୍ରୀଜଗନ୍ନାଥ ଚେତନା ପୁରସ୍କାର, ନବଗୁଞ୍ଜର ପୁରସ୍କାର, ପୁରୀରୁ ଅତିବଡ଼ି ସମ୍ମାନ, ଭଦ୍ରଖରୁ ବିଷୁବ ସମ୍ମାନ, ଦଶମ ରାଜଧାନୀ ପୁସ୍ତକମେଳା ପୁରସ୍କାର, ଲେଖକ କ ସାମ୍ମୁଖ୍ୟ ସମ୍ମାନ, ଭୁବନେଶ୍ଵର ପୁସ୍ତକମେଳା ସମ୍ମାନ ପ୍ରଭୃତି ତିନିଶହରୁ ଅଧୂକ ପୁରସ୍କାର ଓ ସମ୍ମାନ ଲାଭ କରିଛନ୍ତି । ଏତଦ୍ଭିନ୍ନ ସେ ଦୁଇଥର ଓଡ଼ିଶା ସାହିତ୍ୟ ଏକାଡ଼େମୀ, ବର୍ତ୍ତମାନ କେନ୍ଦ୍ର ସାହିତ୍ୟ ଏକାଡ଼େମୀ, ଗୋଟିଏ ବିଶ୍ଵବିଦ୍ୟାଳୟର ପରିଚାଳନା ପରିଷଦ, ଗୋଟିଏ ସ୍ଵୟଂ ଶାସିତ ମହାବିଦ୍ୟାଳୟର ଓଡ଼ିଆ ପାଠ୍ୟକ୍ରମ ନିର୍ଦ୍ଧାରଣ ପରିଷଦ ଏବଂ ଓଡ଼ିଆ ଭାଷା ଉପଦେଷ୍ଟା ପରିଷଦର ସଦସ୍ୟ ଅଛନ୍ତି । ସ୍ବାଧୀନ ଭାବରେ ଯାତାୟାତକ୍ଷମ ନ ହେଲେ ହେଁ ସେ ପଚାଶ ବର୍ଷରୁ ଉର୍ଦ୍ଧକାଳ ଆଧ୍ୟାତ୍ମିକ ସାରସ୍ବତ ସାଧନାରେ ନିମଗ୍ନ ଏବଂ ଶ୍ରୀଜଗନ୍ନାଥଙ୍କ କରୁଣାରୁ ସମଗ୍ର ଭାରତ ପରିଭ୍ରମଣ କରି ପାରିଛନ୍ତି । ଐଶ୍ୱରୀୟ ସୌଭାଗ୍ୟର ଉଦ୍ଦୀପନାରେ ଜୀବନକୁ ପରିଚାଳିତ କରି ସେ ଯେଉଁ ଦିବ୍ୟାନୁଭୂତି ଲାଭ ଲାଭ କରିଛନ୍ତି ତାହା ତାଙ୍କ ଲେଖନୀରୁ ‘‘ଜୀବନାନୁଭୂତି’’ ଗ୍ରନ୍ଥରେ ନିଃସୃତ ।
