ଭାରତୀୟ ଜାତୀୟ ରାଜପଥ ପ୍ରାଧିକରଣ (NHAI) ୧୫ ଅଗଷ୍ଟ ୨୦୨୫ ସ୍ୱାଧୀନତା ଦିବସ ଅବସରରେ ଆନୁଷ୍ଠାନିକ ଭାବରେ FASTag Annual Pass ଲଞ୍ଚ କରିଛି । ଏହି Annual Pass ଦେଶବ୍ୟାପ କିଛି ଚୟନିତ ଜାତୀୟ ରାଜପଥ (NH) ଏବଂ ଜାତୀୟ ଏକ୍ସପ୍ରେସୱେ (NE) ରେ ପ୍ରାୟ ୧୧୫୦ ଟୋଲ୍ ପ୍ଲାଜାରେ ପ୍ରଯୁଜ୍ୟ ହେବ । ‘FASTag Annual Pass ‘ର ସରକାରୀ ବୁକିଂ ମଧ୍ୟ ଆରମ୍ଭ ହୋଇଛି । ୟୁଜର୍ସମାନେମାନେ ଘରୁ ଏହାକୁ ଅନଲାଇନରେ ବୁକ୍/ଆକ୍ଟିଭେଟ୍ କରିପାରିବେ । ଏହି Annual Pass ପ୍ରଥମ ଦିନରେ ୟୁଜର୍ସମାନଙ୍କଠାରୁ ଜବରଦସ୍ତ ପ୍ରତିକ୍ରିୟା ପାଇଛି ।
ଜାତୀୟ ରାଜପଥ ୟୁଜର୍ସଙ୍କଠାରୁ Annual Pass କୁ ଜବରଦସ୍ତ ପ୍ରତିକ୍ରିୟା ମିଳିଛି । ଆଜି ଏହାର ବୁକିଂ ଆରମ୍ଭ ହୋଇଛି ଏବଂ ପ୍ରଥମ ଦିନ ସନ୍ଧ୍ୟା ୭ଟା ପର୍ଯ୍ୟନ୍ତ ପ୍ରାୟ ୧.୪ ଲକ୍ଷ ୟୁଜର୍ସ Annual Pass କିଣି ଆକ୍ଟିଭେଟ୍ କରିଛନ୍ତି । ଏହା ବ୍ୟତୀତ, ପ୍ରଥମ ଦିନରେ ଟୋଲ୍ ପ୍ଲାଜାରେ ପ୍ରାୟ ୧.୩୯ ଲକ୍ଷ କାରବାର ରେକର୍ଡ କରାଯାଇଛି । କୁହାଯାଉଛି ଯେ ପ୍ରାୟ ୨୦,୦୦୦ – ୨୫,୦୦୦ ୟୁଜର୍ସ ସବୁବେଳେ ରାଜମାର୍ଗ ଯାତ୍ରା ଆପ୍ ବ୍ୟବହାର କରୁଛନ୍ତି ଏବଂ Annual Pass ୟୁଜର୍ସମାନେ ଟୋଲ୍ ଫି ଶୂନ୍ୟ କାଟିବା ପାଇଁ SMS ପାଉଛନ୍ତି ।
ଏଥି ସହ ଜାଣିରଖନ୍ତୁ ଯେ, Annual Pass ସହିତ ଯାତ୍ରାକୁ ସହଜ କରିବା ପାଇଁ ପ୍ରତ୍ୟେକ ଟୋଲ ପ୍ଲାଜାରେ NHAI ଅଧିକାରୀ ଏବଂ ନୋଡାଲ ଅଧିକାରୀଙ୍କୁ ନିଯୁକ୍ତ କରାଯାଇଛି । ଏହା ବ୍ୟତୀତ, Pass ୟୁଜର୍ସଙ୍କ ଅଭିଯୋଗର ସମାଧାନ ପାଇଁ, ୧୦୦ ରୁ ଅଧିକ ଅଧିକାରୀଙ୍କୁ ଯୋଡି ୧୦୩୩ ଜାତୀୟ ରାଜପଥ ହେଲ୍ପଲାଇନକୁ ଆହୁରି ସୁଦୃଢ଼ କରାଯାଇଛି ।
FASTag Annual Pass କିପରି ଆକ୍ଟିଭ୍ ହେବ?
ପ୍ରଥମେ ଆମେ ଆପଣଙ୍କୁ କହି ରଖୁଛୁ ଯେ, FASTag Annual Pass ପାଇଁ ଆପଣଙ୍କୁ ୩,୦୦୦ ଟଙ୍କା ଖର୍ଚ୍ଚ କରିବାକୁ ପଡ଼ିବ । ଯାହା ୧ ବର୍ଷ କିମ୍ବା ୨୦୦ ଯାତ୍ରା ପାଇଁ ଭାଲିଡି ହେବ । ଏଥି ସହ ଏହାକୁ NHAIର ସରକାରୀ ୱେବସାଇଟ୍ ଏବଂ ରାଜମାର୍ଗ ମୋବାଇଲ୍ ଆପ୍ ମାଧ୍ୟରେ କିଣାଯାଇପାରିବ କିମ୍ବା ଆକ୍ଟିଭ୍ କରାଯାଇପାରିବ । ଏହି ପାସ୍ କେବଳ କାର, ଜିପ୍ କିମ୍ବା ଭ୍ୟାନ୍ ଭଳି ପ୍ରାଇଭେଟ୍ ଗାଡ଼ି ପାଇଁ ପ୍ରଯୁଜ୍ୟ ହେବ । ଏଥି ସହ ଏହି ପାସ୍କର୍ମସିଆଲ୍ ଗାଡ଼ି ପାଇଁ ବ୍ୟବହାର କରାଯାଇପାରିବ ନାହିଁ ।
