ନୂଆଦିଲ୍ଲୀ : ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ୍ ମଙ୍ଗଳବାର ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମ୍ଏମ୍) ପାଇଁ ଏହା ଏକ ବଡ଼ ଝଟକା ବୋଲି ବିବେଚନା କରାଯାଉଛି। ତେବେ ମୁଖ୍ୟମନ୍ତ୍ରୀ ହେମନ୍ତ ସୋରେନ ଶୁକ୍ରବାର ରାମଦାସ ସୋରେନଙ୍କୁ ରାଜ୍ୟ ସରକାରରେ ମନ୍ତ୍ରୀ କରିଛନ୍ତି।
ଚମ୍ପାଇ ସୋରେନଙ୍କୁ ସ୍ୱାଗତ କରିବା ପାଇଁ ରାଞ୍ଚିଶାଖା ପଡ଼ିଆରେ ଏକ ସମ୍ବର୍ଦ୍ଧନା ଓ ସଭା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଝାଡ଼ଖଣ୍ଡ ବିଜେପିର ନିର୍ବାଚନ ପ୍ରଭାରୀ ଶିବରାଜ ସିଂହ ଚୌହାନ, ନିର୍ବାଚନ ସହ ପ୍ରଭାରୀ ହେମନ୍ତ ବିଶ୍ୱ ଶର୍ମା, ରାଜ୍ୟ ସଭାପତି ବାବୁଲାଲ ମାରାଣ୍ଡିଙ୍କ ସମେତ ବିଜେପି ନେତାମାନେ ମଞ୍ଚରେ ଉପସ୍ଥିତ ଥିଲେ। ଏହି ମଞ୍ଚରେ ଚମ୍ପାଇ ସୋରେନଙ୍କ ପୁଅ ବାବୁଲାଲ ସୋରେନ ମଧ୍ୟ ଉପସ୍ଥିତ ଥିଲେ।
ଚମ୍ପାଇ ସୋରେନଙ୍କୁ ଜେଏମଏମ ଛାଡ଼ିବାର କାରଣ ବର୍ତ୍ତମାନର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସହ ତାଙ୍କର ମତଭେଦ ବୋଲି କୁହାଯାଉଛି । ହେମନ୍ତ ସୋରେନ ୫ ମାସ ଜେଲରେ ରହିବା ପରେ ଜାମିନ ମିଳିବା ପରେ ଦଳ ତାଙ୍କୁ ମୁଖ୍ୟମନ୍ତ୍ରୀ ଭାବରେ ପୁନଃ ଅବସ୍ଥାପିତ କରିଛି । ଦଳର ଏହି ନିଷ୍ପତ୍ତି ପରେ ଚମ୍ପାଇ ସୋରେନଙ୍କୁ ମୁଖ୍ୟମନ୍ତ୍ରୀ ପଦ ଛାଡିବାକୁ ପଡିଥିଲା ।
