ଜୀବନଶୈଳୀ ରୋଗ ଭାବରେ ଲୋକଙ୍କ ମଧ୍ୟରେ ହାଇ ୟୁରିକ୍ ଏସିଡ୍ ସମସ୍ୟା ଦ୍ରୁତ ଗତିରେ ବୃଦ୍ଧି ପାଉଛି । ଏହାର କାରଣ ଭୁଲ୍ ଖାଦ୍ୟ ଏବଂ ଖରାପ ଜୀବନଶୈଳୀ ବୋଲି ବିବେଚନା କରାଯାଏ । ବାସ୍ତବରେ ୟୁରିକ୍ ଏସିଡ୍ ହେଉଛି ଏକ ଆବର୍ଜନା ପଦାର୍ଥ, ଯାହା ସମସ୍ତଙ୍କ ଶରୀରରେ ରହିଛି । ୟୁରିକ୍ ଏସିଡ୍ ପ୍ୟୁରିନ୍ ନାମକ କେମିକଲ ଖଣ୍ଡ ଦ୍ୱାରା ପ୍ରସ୍ତୁତ ହୋଇଛି । ବାସ୍ତବରେ, କିଡନୀ ମୂତ୍ର ମାଧ୍ୟମରେ ୟୁରିକ୍ ଏସିଡ୍କୁ ବାହାର କରିଦେଇଥାଏ । କିନ୍ତୁ ଯେତେବେଳେ କିଡନୀ କାର୍ଯ୍ୟରେ ହ୍ରାସ ହୁଏ କିମ୍ବା ୟୂରିକ୍ ଏସିଡର ପରିମାଣ ଅଧିକ ଉତ୍ପାଦନ ହେବାକୁ ଲାଗେ, ଏହା ଗଣ୍ଠିରେ ସ୍ଫଟିକ୍ ଆକାରରେ ଜମା ହେବା ଆରମ୍ଭ କରେ । ଯେଉଁଥି ପାଇଁ ଗଣ୍ଠିରେ ଯନ୍ତ୍ରଣା, ଫୁଲା ଏବଂ ଚାଲିବାରେ ଅସୁବିଧା ହୁଏ । ଏହା ସହ ବେଳେବେଳେ ନିଜ ପାଦକୁ ଭୂମିରେ ରଖିବା ମଧ୍ୟ କଷ୍ଟକର ହୋଇଯାଏ । ଯଦି ଆପଣଙ୍କର ଏଭଳି ସମସ୍ୟା ହେଉଛି ତେବେ କିପରି ମୁକ୍ତି ପାଇବେ ଆସନ୍ତୁ ଜାଣିବା ।
ୟୁରିକ୍ ଏସିଡରେ ରସୁଣର ଫାଇଦା :
ରସୁଣ ଖାଇବା ଦ୍ୱାରା ହାଇ ୟୁରିକ୍ ଏସିଡ୍ ଥିବା ରୋଗୀ ପାଇଁ ଲାଭଦାୟକ ହୋଇପାରେ । ରସୁଣ ଖାଇଲେ ଶରୀରରେ ୟୁରିକ୍ ଏସିଡ୍ ସ୍ତର କମିଯାଏ । ରସୁଣରେ ଆଣ୍ଟିଅକ୍ସିଡାଣ୍ଡ ଭରପୂର ରହିଥାଏ, ଯାହା ଅକ୍ସିଡେଟିଭ୍ ଚାପକୁ ହ୍ରାସ କରିଥାଏ ଏବଂ ୟୁରିକ୍ ଏସିଡକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ରସୁଣରେ ଆଣ୍ଟି-ଇନଫ୍ଲାମେଟୋରୀ ଗୁଣ ମଧ୍ୟ ରହିଥାଏ ଯାହା ଗଣ୍ଡି ଫୁଲିବାକୁ କମ୍ କରିଥାଏ ଏବଂ ଗଣ୍ଠି ଯନ୍ତ୍ରଣାରୁ ମୁକ୍ତି ଦେଇଥାଏ । ପ୍ରତିଦିନ ରସୁଣ ଖାଇବା ଦ୍ୱାରା ହଜମ ପ୍ରକ୍ରିୟାରେ ଉନ୍ନତି ହୋଇଥାଏ । ରସୁଣ ଖାଇବା ଦ୍ୱାରା ଶରୀରକୁ ଡିଟକ୍ସାଇଫ କରିଥାଏ ଏବଂ ବ୍ଲଡ ପ୍ରେସର, କୋଲେଷ୍ଟ୍ରଲକୁ ନର୍ମାଲ ରଖିଥାଏ । ରସୁଣ ଆଥ୍ର୍ରାଇଟିସ୍ ରୋଗୀଙ୍କ ପାଇଁ ଲାଭଦାୟକ ହୋଇଥାଏ ।
ହାଇ ୟୁରିକ୍ ଏସିଡରେ ରସୁଣ କିପରି ଖାଇବେ :
ବାସ୍ତବରେ, ଆପଣ ନିଜ ଖାଦ୍ୟରେ ଯେକୈଣସି ଭାବରେ ରସୁଣକୁ ସାମିଲ୍ କରିପାରିବେ । କିନ୍ତୁ ଏହି ୟୁରିକ୍ ଏସିଡ ରୋଗୀ ସକାଳେ ଖାଲି ପେଟରେ କଞ୍ଚା ରସୁଣକୁ ଖାଇଲେ ଲାଭ ମିଳିଥାଏ । ରସୁଣର ଦୁଇଟି ପାଖୁଡାକୁ ନେଇ ଉଷୁମ ପାଣି ସହିତ ଚୋବାଇ ଖାଆନ୍ତୁ । ଯଦି ଆପଣ ଚାହାଁନ୍ତି ତେବେ ଚା’ ସହିତ ମଧ୍ୟ ରସୁଣକୁ ଖାଇପାରିବେ । ଆପଣଙ୍କୁ କିଛି ଦିନ ପାଇଁ ନିୟମିତ ରସୁଣ ଖାଇବୋକୁ ପଡିବ । ଏହା ସହିତ ୟୁରିକ୍ ଏସିଡ୍ ପ୍ରଭାବଶାଳୀ ଭାବରେ ନିୟନ୍ତ୍ରିତ ହେବ । ଏହା ବ୍ୟତୀତ, ରସୁଣ ଖାଇବା ଦ୍ୱାରା ବ୍ଳଡ ପ୍ରେସର ନିୟନ୍ତ୍ରଣରେ ରହିବା ସହ କୋଲେଷ୍ଟ୍ରଲ ମଧ୍ୟ କମ୍ ହେବ । ଏହା ସହ ଖାଲି ରସୁଣ ଖାଇବା ଦ୍ୱାରା ଗଣ୍ଠି ଯନ୍ତ୍ରଣା କମ୍ ହୋଇନଥାଏ ବରଂ ସୋରିଷ ତେଲ ସହ ରସୁଣକୁ ଫୁଟାଇ ଗଣ୍ଠିରେ ଲଗାଇ ଦ୍ୱାରା ବିନ୍ଧା ଏବଂ ଗଣ୍ଠି ଫୁଲା ମଧ୍ୟ କମ୍ ହୋଇଥାଏ ।
ତେଣୁ ଯଦି ଆପଣ ଗଣ୍ଠି ବିନ୍ଧା ଏବଂ ଫୁଲାରୁ ରକ୍ଷା ପାଇବା ପାଇଁ ଚାହୁଁଛନ୍ତି ତେବେ ରସୁଣକୁ ନିୟମିତ ଭାବରେ ଖାଆନ୍ତୁ ଏବଂ ତେଲରେ ଫୁଟାଇ ଲଗାନ୍ତୁ । ବହୁତ୍ ଶୀଘ୍ର ଆପଣଙ୍କ ଯନ୍ତ୍ରଣା ଦୂର ହେବ ।
