ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ତିହାର ଜେଲରୁ ଫେରିବା ପରେ ଦିଲ୍ଲୀ ରାଜନୀତି ସରଗରମ ହୋଇ ରହିଛି । ସେ ଇସ୍ତଫା ଦେବାକୁ ଘୋଷଣା କରିବା ପରେ ରାଜନୈତିକ ଉଷ୍ମତା ଆହୁରି ବଢିଯାଇଛି । ଆଜି (ସୋମବାର) ସେ ଦିଲ୍ଲୀ ଉପରାଜ୍ୟପାଳ ଭିକେ ସାକ୍ସେନାଙ୍କୁ ସାକ୍ଷାତ କରିବାକୁ ସମୟ ମାଗିଛନ୍ତି । ସୂଚନା ଅନୁସାରେ ମଙ୍ଗଳବାର ୪.୩୦ରେ ସାକ୍ଷାତ ପାଇଁ ସମୟ ଦେଇଛନ୍ତି ଉପରାଜ୍ୟପାଳ । ଫଳରେ କେଜ୍ରିଓ୍ବାଲ ଆସନ୍ତାକାଲି ଇସ୍ତଫା ଦେବାର ସମ୍ଭାବନା ବଢିଯାଇଛି ।
ସେପଟେ ଆଜି ଅପରାହ୍ନ ୫ଟାରେ ଆପ ରାଜନୈତିକ ବ୍ୟାପାର କମିଟିର ବୈଠକ ଗୁରୁତ୍ୱପୂର୍ଣ୍ଣ ବସିବାକୁ ଯାଉଛି। ମୁଖ୍ୟମନ୍ତ୍ରୀ କିଏ ହେବ ସେ ନେଇ ଏହି ବୈଠକରେ ଆଲୋଚନା ହେବ। ସେହିପରି ନୂଆ କ୍ୟାବିନେଟ ଉପରେ ମଧ୍ୟ ଆଲୋଚନା ହେବ । କେଜ୍ରିୱାଲ ଜେଲରୁ ବାହାରିବା ପରେ ଏହା ହେଉଛି ପ୍ରଥମ ପିଏସି । ଆଗାମୀ ଦିନରେ ଦଳକୁ ଅନେକ ବଡ଼ ନିଷ୍ପତ୍ତି ନେବାକୁ ପଡ଼ିବ, ସେଗୁଡ଼ିକ ଉପରେ ମଧ୍ୟ ଏହି ପିଏସିରେ ଆଲୋଚନା ହେବ। ବୈଠକ ପୂର୍ବରୁ ମନୀଷ ସିସୋଦିଆ ଓ ରାଘବ ଚଢା ମୁଖ୍ୟମନ୍ତ୍ରୀ ଆବାସକୁ ଯାଇ କେଜ୍ରିଓ୍ବାଲଙ୍କ ସହ ଆଲୋଚନା କରିଛନ୍ତି ।
ମଙ୍ଗଳବାର ଅପରାହ୍ଣରେ ଇସ୍ତଫା ଦେଇପାରନ୍ତି କେଜ୍ରିଓ୍ବାଲ
