ଭୁବନେଶ୍ୱର : KIIT, KISS ଓ KIMS ପକ୍ଷରୁ ବିଶ୍ବ ମାତୃ ଦିବସ ଆଜି ପାଳିତ ହୋଇଯାଇଛି । ଏହି ଅବସରରେ KIIT ଓ KIMS ପରିସରରେ ଥିବା ମାଇଁ ମଦର ମାଇଁ ହିରୋ ପ୍ରତିମୂର୍ତ୍ତିରେ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ମାଲ୍ୟାର୍ପଣ କରିଥିଲେ । ଏହି ଅବସରରେ ମା’ ନୀଳିମାରାଣୀଙ୍କ ସ୍ମୃତିଚରଣ କରି କିଟ୍ ବିଶ୍ବବିଦ୍ୟାଳୟ ଉପକୁଳପତି ଡା ସିବିକେ ମହାନ୍ତି କହିଲେ ଦାରିଦ୍ର୍ୟ ମଧ୍ୟରେ ଥାଇ ମଧ୍ୟ ନୀଳିମାରାଣୀ ପିଲାଙ୍କୁ ଉପଯୁକ୍ତ ଶିକ୍ଷା ଓ ସଂସ୍କାର କରିଥିଲେ ।
ସେହି ଶିକ୍ଷା ଓ ସଂସ୍କାର ଆଜି କିଟ, କିସ ଓ କିମସ ମାଧ୍ୟମରେ ପ୍ରତିଫଳିତ ହୋଇଛି । ପ୍ରତ୍ଯେକ ମାଆଙ୍କୁ ସମ୍ମାନ ଜଣାଇବା ପାଇଁ ପ୍ରତି ବର୍ଷ ମେ ଦ୍ବିତୀୟ ରବିବାରକୁ ବିଶ୍ବ ମାତୃ ଦିବସ ଭାବେ ପାଳନ କରାଯାଇ ଆସୁଛି । ପ୍ରତ୍ଯେକ ପିଲା ସବୁବେଳେ ଭାବିବା ଉଚିତ ଯେ ମା ପାଇଁ ଆଜି ସେ ବଡ ହୋଇଛି ବୋଲି ଉପସ୍ଥିତ ଅତିଥିମାନେ ପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ କିମସ ମେଡ଼ିକାଲ କଲେଜ ଅଧ୍ୟକ୍ଷ ଡା. ଆର .ସି ଦାସ, କିମସ ମେଡ଼ିକାଲ ଅଧିକ୍ଷକ ଡା. ମାନସ ବେହେରା, ଗ୍ରୁପ ନିର୍ଦ୍ଦେଶକ ଦିଲୀପ ପଣ୍ଡାଙ୍କ ସମେତ କିଟ କିସ ଓ କିମସ ର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
