ନୂଆଦିଲ୍ଲୀ: ଟିମ୍ ଇଣ୍ଡିଆର ଅଲରାଉଣ୍ଡର ଖେଳାଳି ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ପତ୍ନୀ ନତାଶା ଅଲଗା ହୋଇଯାଇଛନ୍ତି | ଉଭୟ କିଛି ଦିନ ତଳେ ନିଜର ଛାଡପତ୍ର ବାବଦରେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସୂଚନା ଦେଇଥିଲେ। ନତାଶା ଓ ହାର୍ଦ୍ଦିକ ଏକ ସୋସିଆଲ ମିଡିଆ ପୋଷ୍ଟରେ ଲେଖିଥିଲେ ଯେ ଉଭୟ ପାରସ୍ପରିକ ସମ୍ମତି ସହିତ ଅଲଗା ହୋଇଯାଇଛନ୍ତି।
ଛାଡ଼ପତ୍ର ଘୋଷଣା ପରେ ଏବେ ନତାଶା ପୁଅ ଅଗସ୍ତ୍ୟଙ୍କ ପାଇଁ ଏକ ପୋଷ୍ଟ କରିଛନ୍ତି। ଅଗସ୍ତ୍ୟଙ୍କ ଜନ୍ମଦିନ ଥିବାରୁ ତାଙ୍କ ସହ ଫଟୋ ସେୟାର କରି ନତାଶା ଲେଖିଛନ୍ତି ଯେ, “ମୋ ବୁବା, ତୁମେ ମୋ ଜୀବନରେ ଶାନ୍ତି, ଭଲପାଇବା ଏବଂ ଆନନ୍ଦ ଆଣିଛ। ମୋର ସୁନ୍ଦର ପୁଅ, ତୁମେ ମୋ ପାଇଁ ଆଶୀର୍ବାଦ। ତୁମେ ସର୍ବଦା ଏଭଳି ଦୟାଳୁ ହୋଇ ରୁହ। ମୁଁ ଏହି ଦୁନିଆକୁ ତୁମର ଏହି ଦୟାଳୁ ଆତ୍ମାକୁ ପରିବର୍ତ୍ତନ କରିବାକୁ ଦେବି ନାହିଁ। ମୁଁ ସବୁବେଳେ ତୁମ ପାଖରେ ରହିବି। ମୁଁ ତୁମକୁ ବହୁତ ଭଲ ପାଏ, ମାମା।”
ଉଲ୍ଲେଖଯୋଗ୍ୟ, ହାର୍ଦ୍ଦିକ ଏବଂ ନତାଶା ୨୦୨୦ରେ ବିବାହ କରିଥିଲେ। କିନ୍ତୁ ବର୍ତ୍ତମାନ ପ୍ରାୟ ୪ ବର୍ଷ ପରେ ଦୁହେଁ ଅଲଗା ହୋଇଯାଇଛନ୍ତି। ଛାଡ଼ପତ୍ର ବିଷୟରେ ଘୋଷଣା କରି ଦୁହେଁ ଲେଖିଥିଲେ, “ପ୍ରାୟ ୪ ବର୍ଷ ପରେ ଆମେ ପାରସ୍ପରିକ ସହମତିରେ ଅଲଗା ହେବାକୁ ନିଷ୍ପତ୍ତି ନେଇଛୁ। ଆମେ ଦୁହେଁ ଏକାଠି ରହି ନିଜର ସର୍ବଶ୍ରେଷ୍ଠ ସମୟ ଦେଇଥିଲୁ | କିନ୍ତୁ ବର୍ତ୍ତମାନ ଦୁହେଁ ସମାନ ନିଷ୍ପତ୍ତି ନେଇଛୁ । ଏହା ଆମ ପାଇଁ ବହୁତ କଷ୍ଟସାଧ୍ୟ ନିଷ୍ପତ୍ତି ଥିଲା | ଅଗସ୍ତ୍ୟ ଆମର ଉଭୟ ଜୀବନର ଏକ ଅଂଶ ହୋଇ ରହିବ | ଆମେ ଦୁହେଁ ତାଙ୍କୁ ସମସ୍ତ ଖୁସି ଦେବାକୁ ଚେଷ୍ଟା କରିବୁ |”
