ନୂଆଦିଲ୍ଲୀ: ଅଯୋଧ୍ୟାରେ ରାମଲାଲାଙ୍କ ମୂର୍ତ୍ତି ତିଆରି କରିଥିବା ଶିଳ୍ପୀ ଅରୁଣ ଯୋଗୀରାଜ ଏବଂ ତାଙ୍କ ପରିବାରକୁ ଆମେରିକା ଭିସା ଦେବାକୁ ମନା କରିଦେଇଛି । ବାସ୍ତବରେ ଯୋଗୀରାଜ ଆମେରିକାରେ ଆସୋସିଏସନ ଅଫ କନ୍ନଡର କାର୍ଯ୍ୟକ୍ରମ ବିଶ୍ୱ କନ୍ନଡ ସମ୍ମିଳନୀ -୨୦୨୪ ରେ ଭାଗ ନେବାକୁ ଭିସା ଆବେଦନ କରିଥିଲେ। ଏହି ସମ୍ମିଳନୀ ବର୍ଷକୁ ଦୁଇଥର ଆୟୋଜିତ ହୋଇଥାଏ, ଯାହାର ଉଦ୍ଦେଶ୍ୟ ହେଉଛି ବିଭିନ୍ନ ଜାତି ସମ୍ପ୍ରଦାୟର ସଦସ୍ୟମାନଙ୍କୁ ଏକାଠି କରିବା | ରିପୋର୍ଟ ଅନୁଯାୟୀ, ଆମେରିକାର ଦୂତାବାସ ଅରୁଣ ଯୋଗୀରାଜଙ୍କ ଆବେଦନକୁ କାହିଁକି ପ୍ରତ୍ୟାଖ୍ୟାନ କରିଛନ୍ତି ସେ ସମ୍ପର୍କରେ ଏପର୍ଯ୍ୟନ୍ତ କୌଣସି କାରଣ ଦର୍ଶାଇ ନାହାଁନ୍ତି। ଭିସା ନ ପାଇ ଅରୁଣ ଯୋଗୀରାଜଙ୍କ ପରିବାର ଅସନ୍ତୋଷ ବ୍ୟକ୍ତ କରିଛନ୍ତି।
ଅରୁଣ ଯୋଗୀରାଜ ଅଯୋଧ୍ୟା ରାମ ମନ୍ଦିରରେ ରାମଲାଲାଙ୍କ ମୂର୍ତ୍ତି ତିଆରି କରିଥିଲେ। କୁହାଯାଉଛି ଯେ ଅରୁଣ ଯୋଗୀରାଜ ମଧ୍ୟ ଆମେରିକାର ଭିସା ନ ମିଳିବାରୁ କ୍ଷୁବ୍ଧ ଅଛନ୍ତି | ଅରୁଣ ଯୋଗୀରାଜଙ୍କ କହିବା ଅନୁଯାୟୀ, ସେ ଭିସା ସମ୍ବନ୍ଧୀୟ ସମସ୍ତ ଦସ୍ତାବିଜ ଦାଖଲ କରିଥିଲେ ମଧ୍ୟ ତାଙ୍କୁ ଭିସା ଦିଆଯାଇ ନଥିଲା। ସେ ୨୦ ଦିନିଆ ଟୁରିଷ୍ଟ ଭିସା ପାଇଁ ଆବେଦନ କରିଥିଲେ ମଧ୍ୟ ଏହା ସତ୍ତ୍ୱେ ଭିସା ଦିଆଯାଇନଥିଲା। ଅରୁଣ ଯୋଗୀରାଜ ଯେଉଁ ଗୋଟିଏ ପଥରରୁ ରାମଲାଲାଙ୍କ ପ୍ରତିମୂର୍ତ୍ତି ତିଆରି କରିଛନ୍ତି ତାହା ଓଜନ ପ୍ରାୟ ୨୦୦ କିଲୋଗ୍ରାମ ଏବଂ ଉଚ୍ଚତା ୪.୨୪ ଫୁଟ ଏବଂ ମୋଟେଇ ତିନି ଫୁଟ ରହିଛି। ଏହି ମୂର୍ତ୍ତି ଦେଶ ତଥା ବାହାରେ ଚର୍ଚ୍ଚାରେ ରହିଛି। ରାମଲଲ୍ଲାଙ୍କ ଏହି ଦିବ୍ୟ ମୂର୍ତ୍ତିକୁ ଦେଖିବା ପାଇଁ ଜାନୁଆରି ୨୨ ପରଠାରୁ ଶ୍ରୀରାମ ମନ୍ଦିରରେ ଭକ୍ତଙ୍କ ପ୍ରବଳ ଭିଡ଼ ଲାଗି ରହିଛି।
ଯୋଗୀରାଜଙ୍କୁ ଭିସା ଦେଲାନାହିଁ ଆମେରିକା
