ପଦ୍ମପୁର : ମହଙ୍ଗା ପଡ଼ିଲା ରସିକିଆ ପ୍ରାଧ୍ୟାପକଙ୍କ ପ୍ରେମ ନିବେଦନ । ଛାତ୍ରୀଙ୍କୁ ପ୍ରେମ ନିବେଦନ କରି ଚାକିରିରୁ ନିଲମ୍ବିତ ହେଲେ ପ୍ରାଧ୍ୟାପକ ଡ. ବିରଞ୍ଚି ସାହୁ । ଛାତ୍ରୀଙ୍କୁ ଗାର୍ଲଫ୍ରେଣ୍ଡ ଭାବେ ସମ୍ବୋଧନର ହ୍ବାଟସଅପ ଚାର୍ଟିଂ ଏବେ ସୋସିଆଲ ମିଡିଆରେ ଘୁରି ବୁଲୁଛି । ବରଗଡ଼ ଜିଲ୍ଲା ପଦ୍ମପୁର ଅଞ୍ଚଲ ମହାବିଦ୍ୟାଳୟର ଅର୍ଥନୀତି ବିଭାଗ ପ୍ରାଧ୍ୟାପକ ଡ. ବିରଞ୍ଚି ସାହୁଙ୍କ ଚାଟିଂ ଭାଇରାଲ ।
ନିଜ ବିଭାଗର ଜଣେ ଛାତ୍ରୀଙ୍କ ସହ ଏଭଳି ଚାଟିଂ କରୁଥିଲେ ବିରଞ୍ଚି । କେବଳ ପ୍ରେମ ନିବେଦନ ନୁହେଁ ଭିଡିଓ କଲ୍, ଫଟୋ ମାଗିବା ଏବଂ ଅଶ୍ଳୀଳ ଭାଷାରେ କଥାବାର୍ତ୍ତା କରିଥିବା ଅଭିଯୋଗ ମଧ୍ୟ ହୋଇଛି । ଯାହାକୁ ନେଇ କଲେଜରେ ଛାତ୍ରଛାତ୍ରୀ ପ୍ରତିବାଦ କରିବା ସହ ପ୍ରାଧ୍ୟାପକ ବିରଞ୍ଚି ସାହୁଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଏହି ଘଟଣା ସମ୍ପର୍କରେ ଅବଗତ ହେବା ପରେ ତଦନ୍ତ ପାଇଁ କଲେଜ ଗଭର୍ଣିଂ ବଡିକୁ ନିର୍ଦ୍ଦେଶ ଦେଇଛନ୍ତି ପଦ୍ମପୁରରେ ଅତିରିକ୍ତ ଜିଲ୍ଲାପାଳ । ଅନ୍ୟପଟେ ମୁଁ ଛାତ୍ରଛାତ୍ରୀଙ୍କ ଭବିଷ୍ୟତ କଥା ଚିନ୍ତା କରେ l ସେମାନେ ପ୍ରେମ କରି କଲେଜକୁ ବଦନାମ କରୁଥିବାରୁ ତାଙ୍କୁ ୱାର୍ଣ୍ଣିଂ ଦେଉଥିଲି ବୋଲି କହିଛନ୍ତି ପ୍ରାଧ୍ୟାପକ ବିରଞ୍ଚି ସାହୁ ।
