ଏହି କାରଣରୁ ପକେଟରେ ପିଆଜ ରଖନ୍ତି ସିନ୍ଧିଆ

ଭୋପାଳ: ଏବେ ଦେଶରେ ନିର୍ବାଚନ ମାହୋଲ ଜାରି ରହିଛି | ନିର୍ବାଚନ ତାତି ଭିତରେ ପ୍ରବଳ ଖରା ଯୋଗୁଁ ତାତି ବି ଅନୁଭୂତ ହେଉଛି | ତଥାପି ଏହାରି ଭିତରେ ଭୋଟରଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ନେତାଙ୍କ ସହ କର୍ମୀ ଜୋରସୋରରେ ଲାଗିପଡିଛନ୍ତି | ତେବେ ଏହି ଅସହ୍ୟ ଗରମ ହେଲେ କଣ କରନ୍ତି ନେତା, ତାହା କହିଛନ୍ତି କେନ୍ଦ୍ର ମନ୍ତ୍ରୀ ତଥା ଗୁନାରୁ ବିଜେପି ଟିକେଟରେ ସାଂସଦ ପ୍ରାର୍ଥୀ ହୋଇଥିବା ଜ୍ୟୋତିରାଦିତ୍ୟ ସିନ୍ଧିଆ | ଏକ ସାକ୍ଷାତକାର ସମୟରେ ଯେତେବେଳେ ତାଙ୍କୁ ପଚରାଯାଇଥିଲା ଯେ ବାହାରେ ଅସହ୍ୟ ଗରମ ହେଉଛି | ଏହା ମତଦାନ ଉପରେ ପ୍ରଭାବ ପକାଇବ କି? ଏହା ଉପରେ ଜ୍ୟୋତିରାଦିତ୍ୟ ସିନ୍ଧିଆ ତାଙ୍କ ପକେଟରୁ ଏକ ପିଆଜ ବାହାର କରି ଦେଖାଇଥିଲେ | ସେ କହିଥିଲେ ଯେ ଯେପର୍ଯ୍ୟନ୍ତ ଆପଣ ପାଖରେ ପିଆଜ ରଖିବେ, ଗରମ ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ବାସ୍ତବରେ ଗୁନାରେ ଗତକାଲି ତୃତୀୟ ପର୍ଯ୍ୟାୟରେ ମତଦାନ ହୋଇଯାଇଛି। ନିର୍ବାଚନ ପୂର୍ବରୁ ସେ ଗୁନାର ବିଭିନ୍ନ ଅଂଚଳରେ ଅନେକ ରାଲି, ରୋଡ୍ ସୋ ଏବଂ ସାଧାରଣ ସଭା କରିଥିଲେ | ଜ୍ୟୋତିରାଦିତ୍ୟ ଆହୁରି ମଧ୍ୟ କହିଛନ୍ତି ଯେ ଗୁନାର ପ୍ରତ୍ୟେକ ନାଗରିକ ତଥା ଆମର ବୁଥ୍ କର୍ମଚାରୀଙ୍କ ଉତ୍ସାହ ହେତୁ ଗଣତନ୍ତ୍ରର ଏହି ମହାନ ପର୍ବରେ ଆମର ସମଗ୍ର ଗୁନା ଅଞ୍ଚଳର ମତଦାନ ୭୨.୫୩% ରେକର୍ଡ ହୋଇଛି। ଉଲ୍ଲେଖ ଥାଉ କି ୨୦୧୯ ନିର୍ବାଚନରେ ​​ସିନ୍ଧିଆ ଗୁନା ଆସନରୁ ନିର୍ବାଚନରେ ​​ହାରି ଯାଇଥିଲେ। ତେବେ ଗୋଟିଏ ବର୍ଷ ପରେ ସେ ବିଜେପିରେ ଯୋଗ ଦେଇଥିଲେ।