ରାହୁଲ ସିଲେଇ କରି ରଖିଥିବା ଚପଲକୁ ଫ୍ରେମ କରି ରଖିବି

ଗତ ଜୁଲାଇ ୨୬ ତାରିଖ ପରଠୁ ଜୋତା କାରିଗର ରାମଚେତ ରାତାରାତି ସାରା ଦେଶରେ ଲୋକପ୍ରିୟ ହୋଇ ଯାଇଛନ୍ତି ।  କାରଣ ଗତ ଜୁଲାଇ ୨୬ ତାରିଖରେ ରାମଚେତଙ୍କ ଦୋକାନକୁ ରାହୁଲ ଗାନ୍ଧୀ ଆସି ପହଞ୍ଚିଥିଲେ।ଏହି ସମୟରେ ରାହୁଲ ରାମଚେତଙ୍କୁ ଏକ ଚପଲ ମାଗି ତାହାର ସିଲେଇ କରି ଅଠା ଲଗାଇଥିଲେ । ଏହାପରେ ରାମଚେତଙ୍କ ଭଲ ମନ୍ଦ ବୁଝି ଚାଲି ଯାଇଥିଲେ। ରାମଚେତ ହାତରେ ଜୋତା ସିଲେଇ କରୁଥିବା ହେତୁ ନିକଟରେ ରାହୁଲ ତାଙ୍କ ପାଇଁ ଏକ ଜୋତା ସିଲେଇ ମେସିନ ପଠାଇଛନ୍ତି ।

ରାହୁଲ ରାମଚେତଙ୍କ ଦୋକାନକୁ ଆସିବା ପରେ ଜୋତା କାରିଗର ରାତାରାତି ଷ୍ଟାର ପାଲଟି ଯାଇଛନ୍ତି। ଲୋକେ ତାଙ୍କୁ ଫୋନ କରି ରାହୁଲ ଗାନ୍ଧୀ ସିଲେଇ କରିଥିବା ଜୋତାଚପଲ ବିକ୍ରି ଲାଗି ଅନୁରୋଧ କରୁଛନ୍ତି । ଏହା ବଦଳରେ ରାମଚେତ ଯେ‌ତେ ଟଙ୍କା ଦାବି କରିବେ ଦେବାକୁ ରାଜି ଅଛନ୍ତି।

ଏହି ଘଟଣାକୁ ନେଇ ରାମଚେତ କହିଛନ୍ତି,‘ ରାହୁଲଜୀ ସିଲେଇ କରିଥିବା ଚପଲ ଓ ଜୋତାକୁ ଫ୍ରେମ କରି ଦୋକାନରେ ଟାଙ୍ଗିବି। ବଞ୍ଚିଥିବା ପର୍ଯ୍ୟନ୍ତ ଏହାକୁ ମୋ ଆଖି ସାମ୍ନାରେ ରଖିବି ।’