ନ୍ୟାୟ ଯାତ୍ରାରେ ରାହୁଲ ଗାନ୍ଧୀଙ୍କ ସାରଥୀ ସାଜିଲେ ତେଜସ୍ୱୀ

ରାହୁଲଙ୍କ ଭାରତ ଯୋଡୋ ନ୍ୟାୟ ଯାତ୍ରାରେ ଡ୍ରାଇଭର ସିଟରେ ବସିଲେ ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ । ବିହାର ସସାରାମରେ ରାହୁଲ ଗାନ୍ଧୀଙ୍କ ଭାରତ ଯୋଡ ନ୍ୟାୟ ଯାତ୍ରା ଚାଲିଛି । ଏହି ରାସ୍ତା ଦେଇ ଆଜି ଉତ୍ତର ପ୍ରଦେଶରେ ରାହୁଲ ଗାନ୍ଧୀ ପ୍ରବେଶ କରିବେ । ଏହି ସମୟରେ ତେଜସ୍ୱୀ ଯାଦବ କାର ଚଳାଉଥିବା ବେଳେ ପାଖ ସିଟରେ ବସିଥିଲେ ରାହୁଲ ଗାନ୍ଧୀ ।ଆରଜେଡିର ଅନେକ ସମର୍ଥକ ଏହି ଯାତ୍ରାରେ ମଧ୍ୟ ସାମିଲ ହୋଇଛନ୍ତି । ଏହାପୂର୍ବରୁ ପଶ୍ଚିମବଙ୍ଗରେ ରାହୁଲଙ୍କ ଭାରତ ଯୋଡ ନ୍ୟାୟ ଯାତ୍ରା ବେଳେ ସାମିଲ ହୋଇନଥିଲା ଟିଏମସି । ଉଭୟ ଦଳ ଇଣ୍ଡିଆ ମେଂଟର ସଦସ୍ୟ ରହିଛନ୍ତି । କିନ୍ତୁ ପଶ୍ଚିମବଙ୍ଗରେ ରାହୁଲଙ୍କ ଯାତ୍ରାକୁ ଅନୁମତି ଦେବାରେ ବିଭିନ୍ନ ପ୍ରକାର ବାଧା ଉପୁଜିଥିଲା ।