ନର୍ସଙ୍କୁ ଦୁଷ୍କର୍ମ ଅଭିଯୋଗ; ଅଗ୍ନିଶମ ବାହିନୀ କର୍ମଚାରୀ ଗିରଫ

ଭୁବନେଶ୍ୱର: ନର୍ସଙ୍କୁ ଦୁଷ୍କର୍ମ ଅଭିଯୋଗରେ ଅଗ୍ନିଶମ ବାହିନୀ କର୍ମଚାରୀ ଗିରଫ। ଦୁଷ୍କର୍ମ ଅଭିଯୁକ୍ତର ନାଁ ଜିତୁ ରଞ୍ଜନ ଦାସ। ଜିତୁଙ୍କୁ ପାହାଳ ଥାନା ପୁଲିସ କେନ୍ଦ୍ରାପଡ଼ାରୁ ଗିରଫ କରିଛି।ଅଭିଯୁକ୍ତ ନାଁରେ କମିସନରେଟ ପୁଲିସରେ ଦୁଇଟି ଦୁଷ୍କର୍ମ ମାମଲା ରହିଥିଲା । ଅନୁଗୁଳରେ ଅଗ୍ନିଶମ ବାହିନୀ କର୍ମଚାରୀ ଭାବରେ କାର୍ଯ୍ୟ କରୁଛନ୍ତି ଜିତୁ। ବିଭାଗୀୟ ତଦନ୍ତ ପାଇଁ ଅଗ୍ନିଶମ ଡିଜିଙ୍କୁ ପାହାଳ ଥାନା ପୁଲିସ ଚିଠି ଲେଖିବ ବୋଲି ଜଣାପଡ଼ିଛି। ସୋସିଆଲ ମିଡ଼ିଆରେ ପ୍ରଥମେ ନର୍ସଙ୍କ ସହ ବନ୍ଧୁତା ହୋଇଥିଲା । ପରେ ବିବାହର ପ୍ରତିଶୃତି ଦେଇ ଅଟଳା ଅଞ୍ଚଳରେ ଅଭିଯୁକ୍ତ ଉକ୍ତ ନର୍ସଙ୍କୁ ଦୁଷ୍କର୍ମ କରିଥିଲା । ଦୁଷ୍କର୍ମ ନେଇ ପାହାଳ ଥାନାରେ ଅଭିଯୋଗ ପରେ ପୁଲିସ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଇଛି।