ଭରତପୁରରେ ପୋଲିସ ASIଙ୍କୁ ମାଡ଼ ଘଟଣାରେ ୨ ଗିରଫ, ମାମଲାରେ ସମ୍ପୃକ୍ତ ଅନ୍ୟ ଅଭିଯୁକ୍ତ ଫେରାର

ଭୁବନେଶ୍ୱର : ଭରତପୁରରେ ପୋଲିସ ASIଙ୍କୁ ମାଡ଼ ଘଟଣାରେ ୨ ଗିରଫ। ଗିରଫ ୨ ଅଭିଯୁକ୍ତ ମାମା ବେହେରା ଓ ଖଲେଶ୍ବରୀ ବେହେରା । ମାମଲାରେ ସମ୍ପୃକ୍ତ ଅନ୍ୟ ଅଭିଯୁକ୍ତ ଫେରାର ରହିଛନ୍ତି । ଗତ ଗୁରୁବାର ରାତିରେ ଭରତପୁର ଥାନା ରମଣୀ ସାହିରେ ଏକ ଘର ଭଡ଼ା ବିବାଦକୁ ନେଇ ପୋଲିସ ପହଞ୍ଚିଥିଲା । ଗଣ୍ଡଗୋଳ ଅଟକାଇବାକୁ ଯାଇ ଆକ୍ରମଣର ଶିକାର ହୋଇଥିଲେ ପିସିଆର ଡ୍ୟୁଟିରେ ଥିବା ପୋଲିସ । ଏଏସଆଇ ପ୍ରଫୁଲ କୁମାର ପରିଡ଼ାଙ୍କୁ ମାଡ଼ ମାରି ଲହୁ ଲୁହାଣ କରି ଦେଇଥିଲେ ଆକ୍ରମଣକାରୀ । ପୋଲିସ ବର୍ତ୍ତମାନ ମାମଲାରେ ସମ୍ପୃକ୍ତ ୨ଜଣଙ୍କୁ ଗିରଫ କରିଥିବା ବେଳେ ଅନ୍ୟମାନଙ୍କୁ ଧରିବା ପାଇଁ ତଦନ୍ତ ଜାରି ରଖିଛି ।