ନୂଆଦିଲ୍ଲୀ : ଇଣ୍ଡିଆନ ପ୍ରିମିୟର ଲିଗ (IPL) ୨୦୨୬ ପୂର୍ବରୁ, RCB ବ୍ୟାଟିଂ ପ୍ରଶିକ୍ଷକ ଦିନେଶ କାର୍ତ୍ତିକ ତାଙ୍କର ପସନ୍ଦର “RCB ଅଲ-ଟାଇମ ଏକାଦଶ” ଚୟନ କରିଛନ୍ତି। ଐତିହାସିକ ୨୦୨୫ ଟାଇଟଲ ବିଜୟର ପ୍ରଭାବ କାର୍ତ୍ତିକଙ୍କ ଦଳରେ ସ୍ପଷ୍ଟ ଭାବରେ ନଜର ଆସୁଛି, ଯେଉଁଠାରେ ସେ ଅଭିଜ୍ଞ ଖେଳାଳିଙ୍କ ପରିବର୍ତ୍ତେ ବର୍ତ୍ତମାନର ଚାମ୍ପିଅନମାନଙ୍କୁ ସାମିଲ କରିଛନ୍ତି। ଏହି ଦଳ ସମ୍ପର୍କରେ ସବୁଠାରୁ ଆଶ୍ଚର୍ଯ୍ୟଜନକ ନିଷ୍ପତ୍ତି ଅଧିନାୟକତ୍ୱକୁ ନେଇ। କାର୍ତ୍ତିକ ବିରାଟ କୋହଲିଙ୍କୁ ନୁହେଁ, ରଜତ ପାଟିଦାରଙ୍କୁ ଅଧିନାୟକ ଭାବରେ ନିଯୁକ୍ତ କରିଛନ୍ତି। ସେ କ୍ରିକବଜକୁ କହିଥିଲେ, “ବିରାଟ କୋହଲି ଅନେକ ସିଜିନ୍ ପାଇଁ ଦଳକୁ ନେତୃତ୍ୱ ଦେଇଛନ୍ତି ଏବଂ ସଫଳ ହୋଇଛନ୍ତି, କିନ୍ତୁ ରଜତ ପାଟିଦାର ମୋର ଅଧିନାୟକ ହେବେ। ସେ RCBର ସବୁଠାରୁ ସଫଳ ଅଧିନାୟକ (ଟାଇଟଲ ବିଜୟ ଦୃଷ୍ଟିରୁ), ଏବଂ ଏତେ କମ ସମୟ ମଧ୍ୟରେ ଜଣେ ବ୍ୟାଟ୍ସମ୍ୟାନ ଭାବରେ ସେ ଯେଉଁ ପ୍ରଭାବ ପକାଇଛନ୍ତି ତାହା ଅସାଧାରଣ।” ଦିନେଶ କାର୍ତ୍ତିକ କ୍ରିସ ଗେଲ ଏବଂ ଫାଫ ଡୁ ପ୍ଲେସିସ ଓପନର୍ ଭାବରେ ଚୟନ କରିଛନ୍ତି। ଏହାର ଅର୍ଥ ହେଉଛି ଯେ IPLରେ ସର୍ବାଧିକ ରନ ସ୍କୋରର ବିରାଟ କୋହଲିଙ୍କୁ ଓପନିଂ ସ୍ଲଟରୁ ନମ୍ବର ୩ରେ ବଦଳାଯାଇଛି। ଅଧିନାୟକ ରଜତ ପାଟିିଦାରଙ୍କୁ ନମ୍ବର ୪ ରେ ଏବଂ RCB କିମ୍ବଦନ୍ତୀ ଏବି ଡିଭିଲିୟର୍ସଙ୍କୁ ନମ୍ବର ୫ରେ ରଖାଯାଇଛି।
କାର୍ତ୍ତିକ ଜିତେଶ ଶର୍ମାଙ୍କୁ, ଯିଏ RCB ପାଇଁ କେବଳ ଗୋଟିଏ ସିଜନ ଖେଳିଛନ୍ତି, ତାଙ୍କୁ ନମ୍ବର ୬ରେ ଉଇକେଟ୍କିପର ଭାବରେ ବାଛିଛନ୍ତି, ଯେତେବେଳେ ଅଲରାଉଣ୍ଡର କୃଣାଲ ପାଣ୍ଡ୍ୟାଙ୍କୁ ନମ୍ବର ୭ରେ ରଖାଯାଇଛି। କୃଣାଲଙ୍କ ବିଷୟରେ କାର୍ତ୍ତିକ କହିଛନ୍ତି, “ଯଦି RCB ଆଜି ଟ୍ରଫି ପାଇଛି, ତେବେ ଏକ ପ୍ରମୁଖ ଶ୍ରେୟ ଫାଇନାଲରେ କୃଣାଲଙ୍କ ବୋଲିଂ ଏବଂ CSK ବିପକ୍ଷରେ ତାଙ୍କର ମ୍ୟାଚ ବିଜୟୀ ପ୍ରଦର୍ଶନକୁ ଯାଏ।”
