ଅଗ୍ନିକାଣ୍ଡରେ ଜଳିଗଲା ଘର, ଫାଟିଲା ଗ୍ୟାସ୍‌ ସିଲିଣ୍ଡର୍

ଅନୁଗୁଳ : ଅନୁଗୁଳ ଜିଲ୍ଲା ବନ୍ତଳା ଥାନା ବଲଙ୍ଗ ଗ୍ରାମରେ ଅଗ୍ନିକାଣ୍ଡରେ ଦିଲ୍ଲୀପ ବିଶ୍ଵାଳଙ୍କ ଦୁଇ ବଖରା ଘର ଭସ୍ମୀଭୂତ ହୋଇଯାଇଛି । ବିଳମ୍ବିତ ରାତି ସମୟରେ ସର୍ଟ ସର୍କିଟ ଯୋଗୁଁ ହଠାତ୍ ନିଆଁ ଲାଗିଥିଲା ଓ ଏହା ସଙ୍ଗେ ସଙ୍ଗେ ବଡ ଆକାର ଧାରଣ କରିଥିଲା । ଦିଲ୍ଲୀପଙ୍କ ଦୁଇ ବଖରା ଘର , ସୁନା ,ନଗଦ ଟଙ୍କା ୫ରୁ ଅଧିକ ଛେଳି ଓ ମୁଗ ,ଧାନ, ବିରି ଫସଲ ଜଳି ପୋଡ଼ି ପାଉଁଶ ହୋଇଯାଇଛି । ଅଗ୍ନିଶମ ବିଭାଗକୁ ଯୋଗାଯୋଗ କରିବା ପରେ ରାତି ୧ଟା ରେ ପହଞ୍ଚିଥିଲା । ଅଗ୍ନିକାଣ୍ଡରେ ୨ ଟି ଗ୍ୟାସ ସିଲିଣ୍ଡର ବ୍ଲାଷ୍ଟ ହେବାରୁ ଭୟରେ ରାତି ତମାମ ଗାଁ ଲୋକ ଉଜାଗର ରହିଥିଲେ ।