ସାଲେପୁର : ପାନ ଦୋକାନ ଭିତରକୁ ମାଡିଗଲା ଟ୍ରାକ୍ଟର । ଅଳ୍ପକେ ବର୍ତ୍ତିଲେ ପାନ ଦୋକାନୀ । କଟକ ଜିଲ୍ଲା ସାଲେପୁର ଥାନା ଜପକୁଦ ବଜାରରେ ଏଭଳି ଏକ ଦୁର୍ଘଟଣା ଘଟିଛି । ଜପକୁଦ ବଜାରରେ ସୁଶୀଲ ଚନ୍ଦ୍ର ମିଶ୍ରଙ୍କ ପାନ ଦୋକାନକୁ ହଠାତ୍ ଏକ ଟ୍ରାକ୍ଟର ମାଡି ଯାଇଥିଲା । ଅଳ୍ପକେ ବର୍ତ୍ତିଯାଇଥିଲେ ସୁଶୀଲ ଓ ଅନ୍ୟମାନେ ।
ଡ୍ରାଇଭରର ବେପରୁଆ ଟ୍ରାକ୍ଟର ଚାଳନା ହେତୁ ଟ୍ରାକ୍ଟରଟି ପାନ ଦୋକାନ ଭିତରକୁ ମାଡି ଯାଇଥିବାର ସୂଚନା ମିଳିଛି । ସାଲେପୁର ଥାନା ଜପକୁଦ ପୋଲିସ ଘଟଣା ସ୍ଥଳରେ ପହଞ୍ଚି ଟ୍ରାକ୍ଟରଟିକୁ ଜବତକରିବା ସହ ଡ୍ରାଇଭରକୁ ଅଟକ ରଖି କାଗଜପତ୍ର ଯାଞ୍ଚ କରୁଥିବାର ସୂଚନା ମିଳିଛି ।
